Ashyq jobasy arqyly koronavırýs juqtyrǵan 3,5 myń adam anyqtaldy

NUR-SULTAN. QazAqparat – Ashyq jobasy arqyly koronavırýs juqtyrǵan 3,5 myń adam anyqtaldy. Bul týraly búgin Úkimet otyrysynda QR Densaýlyq saqtaý mınıstri Alekseı Tsoı aıtty, dep habarlaıdy QazAqparat tilshisi.

Ashyq jobasyn keńinen taratý búkil elimizde júrip jatyr. Jobaǵa qatysýshylardyń sany 8 myńnan asyp tústi jáne 2 aptanyń ishinde eki myńǵa artty. Eki aptanyń ishinde qoldanýshylardyń sany 1,4 mln adamnan 2 mln adamǵa deıin jetti», - dedi mınıstr.

Onyń atap ótýinshe, atalǵan joba engizilgen sátten beri PTR-dyń oń nátıjesi bar 3 556 naýqas jáne baılanysta bolǵan 3 012 adam anyqtaldy.

«Bul statıstıka ókinishke oraı keıbir azamattardyń úıde oqshaýlaný rejımin saqtamaıtyndyǵyn, turǵyndar kóp jınalatyn nysandarǵa barýǵa tyrysatyndyǵyn, el ishinde júrip-turatyndyǵyn, sol arqyly tóńiregindegilerge juqtyrý qaýpin tóndiretindigin kórsetedi», - dedi Alekseı Tsoı.