Ashyq jobasy adamdardyń erkin júrip-turýyn shekteı me

NUR-SULTAN. QazAqparat – Ashyq jobasy adamdardyń erkin qozǵalysyn shekteý me? Bul saýalǵa sanıtarlyq-epıdemıologııalyq baqylaý komıteti tsıfrlandyrý basqarmasynyń basshysy Saıan Ábishev aıtty, dep habarlaıdy QazAqparat tilshisi.

«QR Bas sanıtar dárigeriniń №67 qaýlysyna sáıkes, naýqas jáne baılanysta bolǵandar dep bólinedi. Máselen, atalǵan joba boıynsha mártebe beriledi. Nysanǵa kirgen kezde QR-kodty skanerleısiz. Sol kezde kelýshiniń mobıldi qosymshasynda ındıkator kórinedi. Qyzyl tús - kelýshiniń naýqas ekenin, sary tús - baılanysta bolǵanyn, al jasyl tús - baılanysta bolǵandar bazasynda tirkelmegenin bildiredi. Kók tús PTR zertteýden ótpegenin kórsetedi», - dedi ol Ortalyq kommýnıkatsııalar qyzmetindegi baspasóz máslıhatynda.

Sonymen qatar ol Ashyq mobıldi qosymshasy adamdardyń erkin qozǵalysyna shekteý qoımaıtyndyǵyn basa aıtty.

Al Nur-Sultan qalalyq turaqty damý ortalyǵynyń ІT-sáýletshisi, tsıfrlandyrý salasynyń mamany Vıtalıı Pýstovoıtenko QR-kodtar «InfoQazaqstan» elektrondy platformasynda sýbektilerge beriletindigin aıtady.

«QR-kod árbir kirip-shyqqan kezge beriledi. Bizde aýmaǵy úlken, birneshe kiretin esigi bar bıznes sýbektileri bar. Soǵan oraı júıede eki QR-kod basyp shyǵarylady. Bireýi – kirýge, al ekinshisi - shyǵýǵa», - dedi ol.