Ashyq jobasy 10 myń adamdy vırýs juqtyrýdan qorǵap qaldy

NUR-SULTAN. QazAqparat – «Ashyq» jobasyn iske qosý 10 myń adamdy vırýs juqtyrýdan qorǵap qaldy. Bul týraly QR DSM Elektrondyq densaýlyq saqtaýdy damytý departamentiniń dırektory Beıbit Esenbaev aıtyp berdi.

«Ashyq» jobasyn engizý vırýs juqtyrǵan nemese baılanysta bolǵan adamdardyń qoǵamdyq oryndarǵa barýynyń aldyn alýǵa, shaǵyn jáne orta bıznestiń jumysyn qalpyna keltirýge múmkindik berdi. Osylaısha, tek 21-22 mamyr kúnderi Nur-Sultan jáne Almaty áýejaılarynda PTR nátıjesi oń (qyzyl statýs) 14 adam jáne baılanysta bolǵan (sary statýs) 32 adam anyqtaldy», - dedi spıker Ortalyq kommýnıkatsııalar qyzmetinde ótken baspasóz máslıhatynda.

Onyń aıtýynsha, 12 sáýirden bastap, joba iske qosylǵaly búkil el boıynsha PTR nátıjesi koronavırýsty kórsetken 2 631 kelýshi jáne naýqastarmen baılanysta bolǵan 2 074 kelýshi anyqtalǵan.

«Bir naýqas 4-6 adamǵa deıin vırýs juqtyrýy múmkin ekenin eskersek, «Ashyq» jobasyn engizý 10 myń adamdy yqtımal juqtyrýdan qorǵap qaldy. ıAǵnı, bul joba azamattarǵa ózderin qorǵaýǵa jáne densaýlyǵyn saqtaýǵa kómektesedi. Bas memlekettik sanıtarlyq dárigerdiń 2021 jylǵy 22 naýryzdaǵy qaýlysynyń 4-qosymshasynda «Ashyq» jobasyna qatysatyn nysandar qyzmetin shekteýdiń naqty sharalary kórsetilgen. Onda qyzyl, sary jáne jasyl aımaqtardyń aıyrmashylyqtarymen tanysýǵa bolady», - deıdi B. Esenbaev.

Sondaı-aq, 2021 jyldyń 1 shildesine qaraı «Ashyq» mobıldi qosymshasyn «Vaktsınalaý» modýlimen ıntegratsııalaý josparlanyp otyr.