Ashyq: Jasyl túspen shetelden PTR-testisiz kirýge bolady

NUR-SULTAN. QazAqparat – Ashyq qosymshasynda jasyl tústi mártebesi bar azamattar shetelden kelgen jaǵdaıda da PTR-test tapsyrmaýyna bolady, dep habarlaıdy QazAqparat tilshisi.

Bul týraly Sanıtarlyq-epıdemıologııalyq baqylaý komıteti kóliktegi sanıtarlyq-epıdemıologııalyq baqylaý departamentiniń basshysy Janar Orazalına málim etti.

«Vaktsına alǵan adamnyń Ashyq qosymshasyndaǵy mártebesi jasyl tústi bolady. ıAǵnı onyń júrip-turýyna shekteý joq. Memlekettik bas sanıtar dárigerdiń qaýlysyna qosymsha ózgerister engizildi. Ol boıynsha Ashyq qosymshasyndaǵy mártebesi jasyl tústi jolaýshylar shetelden ushyp kelip, PTR- test nátıjesin usynbaı-aq bizdiń shekaradan ishke kire alady», - dep naqtylady Janar Orazalına.

Osy shara barysynda «Atameken» ulttyq kásipkerler palatasy basqarma tóraǵasynyń orynbasary ıÝlııa ıAkýpbaeva vaktsınalaý pasporty Ashyq qosymshasyna kiriktiriletinin aıtqan bolatyn.

«Qazir biz sanıtarlyq dárigerlermen sóılesip jatyrmyz, ıntegratsııa bolǵan kezde adam uzaq ýaqyt boıy jasyl mártebege ıe bolady», - dep qosty ıÝlııa ıAkýpbaeva.

Joba jetekshileriniń aıtýynsha, vaktsına alǵan adamǵa beriletin «jasyl» mártebeniń jaramdylyq merzimi áli naqtylanyp jatyr.