Ashyq: «Turkistan» áýejaıynda mártebesi «qyzyl» tústi kórsetken azamat reıske jiberilmedi

NUR-SULTAN. QazAqparat - «Turkistan» halyqaralyq áýejaıynda oqshaýlaý rejımin buzǵan azamat anyqtaldy. Statýsy «qyzyl» tústi kórsetken Túrkistan qalasynyń turǵyny reıske jiberilgen joq, dep habarlaıdy QazAqparat QR Densaýlyq saqtaý mınıstrligi Sanıtarııalyq-epıdemıologııalyq baqylaý komıtetiniń baspasóz qyzmetine silteme jasap.

Baspasóz qyzmetiniń málimetterine qaraǵanda, 1 maýsymnan bastap úı karantıninde jatqan Túrkistan qalasynyń turǵyny 10 maýsymda ózin-ózi oqshaýlaý kezeńiniń aıaqtalýyn kútpesten qaladan ketýge tyrysqan. Azamattyń koronavırýstyq ınfektsııaǵa shaldyǵýyna baılanysty karantınge jatqyzylǵan ýaqytynan 14 kún ótpegendigi jóninde «Turkistan» halyqaralyq áýejaıynda Ashyq jobasy aıasynda belgili boldy.

Sanıtarııalyq-epıdemıologııalyq qyzmet organdary oqshaýlaý rejımin buzýshyǵa ákimshilik aıyppul saldy. ÁQBtK-niń 452 babyna sáıkes onyń mólsheri 87 510 teńgeni quraıdy.

Túrkistan oblysynda 10-15 maýsym aralyǵynda Ashyq aqparattyq platformasynyń kómegimen ózin-ózi oqshaýlaý rejımin buzýdyń 6 jaǵdaıy tirkelgen. Qyzyl tús 2 paıdalanýshyda, sary tús 4 paıdalanýshyda anyqtalǵan.

Eske salaıyq, 10 maýsymda Qazaqstanda KVI-ǵa shaldyqqan naýqastar jáne olarmen baılanysta bolǵan adamdar úshin oqshaýlaýdyń mindetti rejımin kózdeıtin sanıtarııalyq-epıdemıologııalyq talaptar kúshine engen bolatyn. Ózin-ózi oqshaýlaý rejımin buzýshylar Ashyq aqparattyq platformasynyń kómegimen anyqtalady.