Ashyq talaptaryn oryndamaǵan nysandar jobadan shyǵarylady - DSM

NUR-SULTAN. QazAqparat – Ashyq talaptaryn oryndamaǵan nysandar jobadan shyǵarylady. Bul týraly QR DSM Sanıtarlyq-epıdemıologııalyq baqylaý komıtetiniń tóraıymy Aıjan Esmaǵambetova aıtty, dep habarlaıdy QazAqparat tilshisi.

«Іskerlik belsendilikti arttyrý jáne epıdemıologııalyq ahýaldy turaqtandyrý arasyndaǵy teńgerimdi qarastyryp jatyrmyz. Ashyq jobasy dál osyǵan baǵyttalǵan. Karaokelerge qatysty birqatar shekteýler qarastyrylǵan. Buǵan qosa, karaoke Ashyq jobasymen ǵana jumys isteıdi. Onyń ústine Ashyq jobasy arqyly qyzmet kórsetetin nysandarǵa qoıylatyn birqatar mindetti talap bar. Eger nysandar bul talaptardy oryndamasa, onda olar jobadan shyǵarylady», - dedi ol Ortalyq kommýnıkatsııalar qyzmetindegi baspasóz máslıhatynda.

Onyń atap ótýinshe, Ashyq jobasy nysanǵa keletin azamattardyń sanaty naqty bóletindigin aıtty.

«Nysanǵa PTR teris nátıjesi bar nemese mártebesi belgisiz adamdardyń kirýine ruqsat beriledi. Al PTR oń nátıjesi bar kelýshige nemese baılanysta bolǵan adamdarǵa Ashyq jobasymen jumys isteıtin nysanǵa kirýge tyıym salynady», - dedi Aıjan Esmaǵambetova.