Ashyq: «Qyzyl» statýsy bar 600-ge jýyq adam oqshaýlaý rejımin buzǵan

NUR-CULTAN. QazAqparat – Ashyq júıesi «qyzyl» statýsy bar 600-ge jýyq oqshaýlaý rejımin buzýshyny anyqtady. Bul týraly QazAqparat Sanıtarııalyq-epıdemıologııalyq baqylaý komıtetine silteme jasap habarlaıdy.

Ashyq júıesi boıynsha anyqtalǵan «qyzyl» mártebesi bar barlyq jeke tulǵalar ákimshilik jaýapkershilikke tartylatyn bolady.

10 -21 maýsym aralyǵynda Ashyq jobasy aıasynda jumys isteıtin nysandarda «qyzyl» statýsy bar 570 jáne «sary» statýsy bar 879 adam tirkelgen. Ózin-ózi oqshaýlaý rejımin buzǵany úshin 9 adam ákimshilik jaýapkershilikke tartyldy.

Sanıtarııalyq-epıdemıologııalyq qyzmet organdary «qyzyl» statýsy bar qalǵan tártip buzýshylarǵa qatysty ákimshilik quqyq buzýshylyq týraly is qozǵaý jónindegi jumysty júrgizip jatyr.

Eske salaıyq, 10 sáýirde KVI-ǵa shaldyqqan naýqastar jáne olarmen baılanysta bolǵan adamdar úshin oqshaýlaýdyń mindetti rejımin kózdeıtin sanıtarııalyq-epıdemıologııalyq talaptar kúshine engen bolatyn. Belgilengen talaptardy oryndamaǵany úshin oqshaýlaý rejımin buzýshylarǵa 30 AEK nemese 87 510 teńge mólsherinde aıyppul salynady (QR ÁQBtK 452-baby).