«Ashyq»: «Qyzyl» mártebesi bar aqtóbelikke aıyppul salyndy
Aqtóbe oblysy boıynsha 623 nysanda «Ashyq» qosymshasy qoldanylady. Qazirgi kezde jeke jaǵajaı ıeleri ótinish berip jatyr.
«Óńirde karantın shekteýi kúsheıip, jaǵajaı ıeleri «Ashyq» jobasyna ótinish berip jatyr. Jalpy jaǵajaı jumysyna tyıym salynǵan. Al qosymsha engizilse, erejege saı qyzmet kórsetedi», - dedi oblystyq sanıtarııalyq-epıdemıologııalyq baqylaý departamentiniń basshysy Nursulý Berkimbaeva.
Aqtóbe oblysy boıynsha 24-30 maýsym aralyǵynda «qyzyl» mártebesi bar eki, «sary» mártebesi bar 9 adamnyń karantın talabyn saqtamaǵany anyqtaldy. Bir adam ákimshilik jaýapqa tartylyp, «sary» mártebesi bar adamdarǵa Bas sanıtar dárigerdiń Qaýlysy berildi.
Aıta keteıik, bir táýlikte taǵy 63 jaǵdaı tirkeldi. Qazirgi kezde 173 adam ınfektsııalyq statsıonarlarda em alyp jatyr. Onyń 129-y qalada.
Oblystyq densaýlyq saqtaý basqarmasy basshysynyń orynbasary Bekbolat Іzbasarovtyń aıtýynsha, 16 adam jansaqtaý bólimine túsken. Onyń úsheýi ókpeni jasandy jeldetý apparatyna qosyldy. Sondaı-aq 40 baladan COVID-19 anyqtalyp, onyń jeteýi aýrýhanada jatyr. Vırýs juqtyrǵan 15 júkti kelinshektiń altaýy aýrýhanada.