Ashyq: «Qyzyl» mártebesi bar aqmolalyqqa 80 myń teńge aıyppul salyndy

STEPNOGOR. QazAqparat - Stepnogor qalasyndaǵy Halyqqa qyzmet kórsetý ortalyǵyna barmaq bolǵan ASHYQ qosymshasynda «qyzyl» mártebesi bar azamat anyqtaldy, dep habarlaıdy QazAqparat tilshisi.

«Azamat karantındi saqtap, 2 apta úıde bolýy kerek, biraq onyń ornyna ol basqalarǵa koronavırýs juqtyrý qaýpin týdyratyn qoǵamdyq orynǵa bardy. Sanıtarlyq-epıdemıologııalyq qyzmet organdary tártip buzýshyǵa ákimshilik aıyppul saldy. QR ÁQBtK-niń 452-babyna sáıkes onyń mólsheri 87 510 teńgeni quraıdy», - deıdi Aqmola oblystyq sanıtarlyq-epıdemılogııalyq baqylaý departameniń baspasóz qyzmetindegiler.

Aıta ketsek, quqyq buzýshy 7 kún ishinde ózine salynǵan aıyppulynyń jartysyn tóleýge múmkindigi bar. ASHYQ aqparattyq platformasynyń arqasynda Aqmola oblysynda 17 sáýir men 18 maýsym aralyǵynda ózin - ózi oqshaýlaý rejımin buzýdyń 93 jaǵdaıy tirkeldi, onyń ishinde 32 jaǵdaı «qyzyl», 61 jaǵdaı «sary».