Ashyq qosymshasynyń avtory dızeldiń ádil satylýyn qadaǵalaý jolyn usynady

NUR-SULTAN. QazAqparat – Janar-jaǵar maı quıý beketterinde satylatyn otyn kólemin baqylaýdyń joly bar. Onlaın júıeni 1-2 apta ishinde qoldanysqa engizýge bolady. Bul týraly Ashyq qosymshasyn jasaqtaýshy Vıtalıı Pýstovoıtenko áleýmettik jelidegi paraqshasynda jarııa etti, dep habarlaıdy QazAqparat.

«Janar-jaǵar maı quıý beketterinde satylatyn otyn kólemin esepke alýdyń sheshimi bar jáne biz onyń 7-14 kún ishinde qoldanysqa engizýge daıynbyz», - dep jazady Vıtalıı Pýstovoıtenko.

Ideıa avtory Ashyq OIL dep ataǵan jobasynyń qandaı múmkindikter beretinin kórsetedi.

«Maqsat – otynnyń bir adamǵa lımıtten artyq satylmaýyn qadaǵalaý, turǵyndarmen keri baılanys ornatý, zań buzýshylyqtardy tirkeý», - deıdi ol.

Joba Ashyq mobıldi qosymshasy negizinde oılastyrylǵan. Vıtalıı Pýstovoıtenkonyń aıtýynsha, elektrondy úkimet ınfraqurylymynyń múmkindigi ony júzege asyrýǵa jetkilikti.

«Otyn tek qana avto ıeleri/júrgizýshilerge satylady. Janar-jaǵar maı quıý beketine barǵany tirkeledi. Júrgizýshi kýáligimen satyp alýǵa bolmaıdy. Janar-jaǵar maı quıý beketinde bolǵany týraly feık aqparat bere almaıdy», - deıdi ol qoldanylatyn qorǵanys mehanızmderi týraly.