Ashyq qosymshasyndaǵy qazaqstandyqtardyń jeke málimetterin kim kóre alady
«Ashyq» qosymshasynda eshqandaı málimet jınalmaıdy. Kelýshiniń JSN-i men tegi Densaýlyq saqtaý mınıstrliginiń júıesinde tirkeledi. Serverdegi málimetter QR Tsıfrlyq damý, ınnovatsııa jáne aeroǵarysh ónerkásibi mınıstrliginde tur. Densaýlyq saqtaý mınıstrligi qosymshaǵa kelýshilerdiń kirýin óziniń aqparattyq júıeleri arqyly kóredi», - dep túsindirdi Saıan Ábdishov Ortalyq kommýnıkatsııalar qyzmetindegi baspasóz máslıhatynda.
Al Nur-Sultan qalalyq turaqty damý ortalyǵynyń ІT-sáýletshisi, tsıfrlandyrý salasynyń mamany Vıtalıı Pýstovoıtenkonyń aıtýynsha, mekeme qyzmetkeri kelýshi kórsetken mártebeni ǵana kóre alady.
«Atalǵan mártebede JSN-de kórinedi. Óıtkeni, adam óziniń JSN-in engizip, oń nátıjeniń nemese baılanysta bolǵan-bolmaǵandyǵyn tekseredi. Ol bul málimetterdi mekeme qyzmetkerine kórsetedi. Biraq, ol málimetteri kelýshi ózi engizedi», - dedi Vıtalıı Pýstovoıtenko.
Onyń aıtýynsha, mekemege uıaly telefonsyz kelgen adam jeke málimetterin tekserýge kelisim beredi.
Sodan keıin mekeme qyzmetkerleri onyń málimetterin júıege engizip, koronavırýspen aýyrǵanyn nemese aýyrǵandarmen baılanysta bolǵan-bolmaǵanyn tekseredi.