Ashyq qosymshasyna qatysty jıi qoıylatyn suraqtarǵa jaýap berildi
Koronavırýs pandemııasy bastalǵannan beri álemdegi bıznes aıtarlyqtaı shekteýmen jumys isteýge májbúr boldy, onyń saldary kásipkerlik qyzmettiń kirisine orasan zor shyǵyn keltirdi. Mundaı jaıt elimizge de qatysty. Otandyq bıznestiń 13 myńnan astam sýbektisi (boýlıng, bılıard, karaoke, kompıýter klýbtary jáne t.b.) áli de jumysyn jandandyra almaı jatyr.
Sebebi – adamdardyń kóp ýaqyt boıy jabyq nysanda shoǵyrlanýy, kópshilik jınalǵan jerde koronavırýs ınfektsııasynyń taralýynyń qateri joǵarylaıdy.
Sonymen qatar demalys kúnderi jabylyp, epıdahýalǵa qaraı óńirdiń sary nemese qyzyl aımaqqa túsýinde jumys ýaqyty shekteýge májbúr birqatar bıznes túrleri taǵy bar.
Joǵaryda atalǵan bıznes túrleriniń tolyq jabylýyn aldyn alý jáne shekteýlerdi ishinara alyp tastaýǵa balama retinde «Ashyq» pılottyq jobasy iske qosyldy.
Jobalyq keńse (Tsıfrlyq damý mınıstrligi, Densaýlyq saqtaý mınıstrligi jáne «Atameken» UKP) jıi qoıylatyn suraqtarǵa jaýap berýdi jalǵastyrýda.
Bul sharanyń halyqqa paıdasy qandaı?
Qaýipsizdik. Búginde kez kelgen formada (aýrý belgileri bar nemese belgileri joq) COVID-19 indetimen aýyrǵandar úı karantınin saqtaý boıynsha mindetteme alyp, jeke qol qoıyp qolhat beredi.
Alaıda kóp jaǵdaıda ózin-ózi oqshalaý rejımi buzylyp jatady. Aýyryp qalǵan nemese naýqas adammen baılanysta bolǵan adamdar qoǵamdyq oryndarǵa barady, koronavırýstyń taralýyna sebepshi bolady.
Qosymsha osyndaı kelýshilerdi anyqtaýǵa jáne basqa kelýshilerdiń qaýipsizdigin saqtaýǵa kómektesedi.
Qosymsha qalaı jumys isteıdi?
Ashyq mobıldi qosymshasy QR kodty qoldaný jáne Densaýlyq saqtaý mınıstrliginiń bazasymen ıntegratsııa arqyly kelýshiniń statýsyn: ol vırýs juqtyrǵan ba joq pa anyqtaýǵa múmkindik beredi.
ıAǵnı jobaǵa qatysýshy – bıznes sýbektisi qoldanylyp jatqan sanıtarlyq normalarmen (maska, termometrııa, bólmeni jeldetý jáne t.b.) qosa qosymsha baqylaý júrgizedi. Kelýshiler men personaldyń indetti juqtyryp alý qateri azaıǵandyqtan joba keleshekte bıznes pen halyqqa karantın shekteýin ońtaılandyrýǵa múmkindik beredi.
Osy mobıldi qosymsha kim ázirledi?
Ashyq mobıldi qosymshasy QR Tsıfrlyq damý mınıstrligi jáne QR Densaýlyq saqtaý mınıstrliginiń tapsyrysymen otandyq ІT-kompanııa ázirlegen.
QR kod kimge beriledi – bıznes sýbektisine, álde kelýshige me?
QR kod bıznes sýbektilerine ǵana beriledi.
Júıe adamdardyń júrip-turýyn shekteıdi me?
Búginde jekelegen qyzmet túrleriniń (boýlıng, bılıard, karaoke, kompıýter zaldary jáne t.b.) jumysyna qatysty sanıtarlyq shekteý bar. Bir jylǵa jýyq ýaqyt bul nysandar jumys istemedi. Sonymen qatar demalys kúnderi jumys istemeıtin jáne óńir qyzyl aımaqqa túskende jumysy toqtaıtyn birqatar sýbektiler (mysaly, fıtnes-klýbtar) bar.
Ashyq qosymshasy qaýipsiz qyzmetke jaǵdaı jasaý arqyly, kerisinshe keleshekte karantın shekteýin azaıtý jáne azamattardyń júrip-turýyn ońaılatýǵa jaǵdaı jasaıdy.
Adamdardy baılanyssyz termometrııamen baqylaý praktıkasy nege jetkiliksiz boldy?
Termometrııa Covid-19 indetiniń eń aıqyn belgileriniń birin (dene qyzýynyń kóterilýi) anyqtaýǵa kómektesedi. Osy qosymshany qoldaný nysanǵa kelýshiler men personal qaýipsizdiginiń qosymsha kepili.
Qosymshany qoldaný barshaǵa mindetti bola ma?
Kásipkerlerdi de, azamattardy da qosymshany qoldanýǵa mindettemeıdi.
17 qańtardan bastap pılottyq rejımde «Ashyq» qosymshasyn birneshe fıtnes klýb, spa ortalyq, saýna jáne resepshini bar basqa da nysandar qoldana bastady. Pılotqa qatysý erikti júrgiziledi.
Fıtnes ortalyqtar men SPA salondarynan basqa nysandar qosymshany qoldana ala ma?
Árıne qoldana alady, kelýshileri men personalynyń qaýipsizdigine alańdaıtyn bıznes ıeleri óz qalaýynsha qoldana alady.
Jobaǵa ár túrli bıznes túrleriniń qatysý algorıtmderi bıznes qoǵamdastyq jáne sanıtarlyq dárigerlermen kelisiledi. Sonymen qatar, áleýmettik jelide keıbir kommentatorlar jazatyndaı, qosymshany saýda ortalyqtary, bazarlar, úı janyndaǵy dúkender men qoǵamdyq kólikterde kúshpen qoldaný josparlanbaıdy.
Qosymshany qoldaný qanshalyqty qıyn, ýaqyt kóp kte me?
Nysanǵa kelýshi telefonyna Ashyq mobıldi qosymshasyn júktep alýy tıis, telefon nómiri arqyly avtorızatsııa jasap, JSN-dy engizý kerek (1 ret, aldyna ala engizgen jón).
Nysanǵa kire beriste kirýdi tirkeý úshin nysannyń QR kodyn skanerleý kerek. Ekranda statýs (kók, jasyl, qyzyl nemese sary) kórinedi.
Shyǵa beriste – nysannan shyǵýdy tirkeý úshin QR kodty skanerleý kerek.
Mobıldi qosymsha smartfony joq adamdarǵa kedergi keltire me?
Kelýshiniń qolynda smartfony bolmaǵan jaǵdaıda nemese qosymshany júkteýde qıyndyqtar týyndasa, nysandaǵy jaýapty qyzmetkerge qosymshada arnaıy ról beriledi, qyzmetker kelýshiniń JSN-i arqyly onyń nysanǵa kirýin tirkeı alady.
Statýs túsi neni bildiredi?
Jasyl statýs júrip-turýda shekteý joǵyn bildiredi, mundaı adam bazada COVID-19 indetine PTR testileýi teris nátıje shyqqan paıdalanýshy bolyp shyǵady.
Kók statýs –PTR testileýdiń nátıjesi joq, aýrý juqtyrǵan adamdarmen baılanysta bolǵan adamdar esebinde joq.
Sary statýs – derekter bazasynda baılanysta bolǵandar esebinde turǵan adam.
Qyzyl statýs– júrip-turýdyń shektelgenin, Covid-19-ke oń nátıje shyqqanyn, úı jaǵdaıynda oqshaýlaý rejımin qatań saqtaýdy bildiredi.
Nysanǵa kelgen saıyn PTR testini tapsyrý qajet pe?
Árıne qajeti joq.
Statýs qanshalyqty uzaq saqtalady?
Barlyq statýstar ýaqytsha. Jasyl statýs – 3 kún, ıaǵnı PTR anyqtama jaramdylyǵyna para par.
«Qyzyl» nemese «sary» – PTR testileý teris nátıje kórsetken boıda jáne naýqas nemese jaqyn baılanysatyn adam úshin belgilengen oqshaýlaý rejıminiń aıaqtalǵannan soń alynyp tastalady
Osy joba elde jappaı vaktsınalaýdyń bastalǵanyna baılanysty ma?
Bul jobanyń KVI-ǵa qarsy vaktsııanalaýmen baılanysy joq.
Bul joba basqa aýrýlarǵa shaldyqqan (JRVI (jedel respıratorlyq-vırýstyq ınfektsııalary), tumaý jáne t.b.) azamattardy esepke ala ma?
Joq, joba basqa ınfektsııalyq aýrýlarmen baılanysty emes.
QR kodty saýda jáne oıyn-saýyq ortalyǵy, dárihanalar, úı janyndaǵy dúkenderge ornatý mindetti bola ma?
Joq, eger kásipkerlik sýbektisi ony óz erkimen ornatqysy kelmese, jobalyq keńse osy nysandarǵa qosymshany ornatýdy qarastyrmaǵan.
Nysannan shyǵarda QR kodty ne úshin skanerleý kerek?
Nysan jumysynyń rejımin baqylaý úshin. Qosymsha bir mezgilde nysandaǵy adam sanyn (jeke derektersiz) jáne jumys etý ýaqytyn taldaýǵa baqylaýǵa múmkindik beredi. Osylaısha monıtorıngtik tekserýlerdi júrgizý qajettiligi azaıady.
Álemde mundaı praktıka engizilgen elder bar ma?
Búgingi tańda QR kodtardy qoldaný praktıkasy Ońtústik Shyǵys Azııa elderi – Gonkong, Sıngapýr, Malaızııada keń taralǵan. Basqa elderde de balama qondyrǵylar bar.
JSN boıynsha derekter qaıda jiberiledi?
Derekter eshqaıda jiberilmeıdi jáne qosymsha profılinde qalady. Engizilgen derekter boıynsha QR kodty skanerleýde paıdalanýshy statýsyn tekserý júrgiziledi.
Pılottyq jobaǵa qatysýshy-kásipker klıenttiń «qyzyl» statýsy týraly SEQ qyzmetine habarlaýy qajet?
Iá, jergilikti atqarýshy organdardyń úılestirý ortalyqtary jáne Taýarlar men kórsetiletin qyzmetterdiń sapasy men qaýipsizdigin baqylaý komıtetine jiberýi kerek.
Pılottyq joba boıynsha resmı akkaýnt quryla ma, barlyq qajetti aqparat qaıda jarııalanady?
Qazirgi kezde telegramda @support_ashyq_bot tehnıkalyq qoldaý kórsetý qyzmeti iske qosylǵan. Qosymsha taralatyn bolsa basqa arnalardy qosý qarastyrylyp jatyr.