Ashyq qosymshasy qyzyl jáne sary statýsy bar 622 ShQO turǵynyn anyqtady

ÓSKEMEN. QazAqparat – Shyǵys Qazaqstan oblysynda Ashyq qosymshasy indet taratý qaýpi bar 622 turǵyndy anyqtady, dep habarlaıdy QazAqparat Sanıtarııalyq-epıdemıologııalyq baqylaý komıtetine silteme jasap.

Ashyq jobasy Shyǵys Qazaqstan oblysynda 26 sáýirden bastap iske qosylǵan.

«Jobany engizgen ýaqyttan bastap «karantın» statýsyna (520 «sary», 102 «qyzyl» statýs) ıe bola tura, qandaı da bir nysandarǵa kirýge tyrysqan 622 fakti anyqtaldy. Oqshaýlanýdy saqtamaǵandarǵa epıdemııaǵa qarsy shara júrgizilip, úı karantıniniń talabyn saqtaý týraly qaýly berildi», delingen habarlamada.

11 maýsym men 1 shilde aralyǵynda úı karantınin buzǵany úshin Semeı qalasynyń turǵyny ákimshilik jaýapkershilikke tartyldy. Jeke tulǵaǵa 15 AEK nemese 43 755 teńge kóleminde aıyppul salyndy.

Sońǵy málimetterge sáıkes oblys aýmaǵynda Ashyq jobasyna resmı túrde 720 kásipkerlik nysany qatysýda. Bıznes úshin atalmysh qosymshany paıdalaný shekteý sharalaryna qaramastan jumys isteýge múmkindik beredi.