Ashyq qosymshasy «qyzyl» mártebesin qate kórsetse ne isteý kerek
«Keshe Ashyq qosymshasynda tehnıkalyq aqaý tabylǵanda, áýejaımen qatar basqa da nysandarǵa eskertildi. Qolaısyzdyqtar men kedergi bolmady, jolaýshylarǵa áýejaıda ádettegideı qyzmet kórsetildi jáne másele bolmaýy da tıis. Bizde ózara sanıtarlyq-epıdemıologııalyq qyzmettiń baılanys telefony bar jáne ol úshin áýejaıda arnaıy bólme de qarastyrylǵan. Sondyqtan problema týyndamaýy tıis. Jalpy Ashyq qosymshasy qalaı jumys isteıdi? Siz JSN-di skanerlegende nemese tergende ol avtomatty túrde Densaýlyq saqtaý mınıstrliginiń bazasyna enip, odan ári azamattyń PTR boıynsha mártebesin suraıdy. Eger jeke málimetti durys termegen nemese basqa da qatelik týyndaǵan jaǵdaıda sanıtarlyq-epıdemıologııalyq qyzmet ókilderi máseleni dereý sheshedi. ıAǵnı azamattyń mártebesin qaraıdy, tekseredi, qate ketken jaǵdaıda túzetedi», - dep túsindirdi QR Tsıfrlyq damý, ınnovatsııalar jáne aeroǵarysh ónerkásibi mınıstrligi Tsıfrlyq sheshimder departamentiniń dırektory Bolatbek Moldabekov.
Buǵan deıin departament basshysy Ashyq qosymshasy arqyly azamattardyń jeke málimetteri tekserilmeıtinin aıtyp, mınıstrlik ókilderiniń eshkimdi ańdymaıtynyn eske salǵan bolatyn.