Ashyq qosymshasy Almatyda qaı mekemelerde qoldanylady

ALMATY. QazAqparat – Almaty qalalyq Sanıtarlyq-epıdemıologııalyq baqylaý departamentiniń basshysy Jandarbek Bekshın tikeleı efır barysynda Ashyq qosymshasynyń qalaı jumys isteıtinin keńirek túsindirdi, dep habarlaıdy QazAqparat tilshisi.

Onyń aıtýynsha, Almatyda Ashyq qosymshasyn 13 myń kásipkerlik nysan tirkeýge nıet bildirip otyr.

«Bul fıtnes klýbtar, spa-ortalyqtar, saýna, basseın, kompıýter klýbtary men boýlıng ortalyqtar. Bul júıe bıznes úshin kóp qarajatty talap etpeıdi. Pılottyq jobaǵa qatysatyn kásipkerlik nysandaryna kirý úshin kelýshiler arnaıy QR-kod arqyly ótedi. Máselen, «jasyl» mártebe COVID-19 PTR taldaýy teris bop shyqqan adamǵa beriledi. PTR taldaýy joq, COVID-19 aýyrǵan adammen baılanysy joq adamǵa «kók» mártebe beriledi. «Sary» mártebe COVID-19 naýqas adammen baılanysy bolǵan adamǵa beriledi. «Qyzyl» mártebe bazada COVID-19 PTR taldaýy oń shyqqan adamdarǵa beriledi», - dedi qalanyń bas sanıtarlyq dárigeri.

Aıta ketý kerek, QR Tsıfrlyq damý, ınnovatsııa, aeroǵaryshtyq ónerkásip mınıstrligi QR DSM birige otyryp eldegi epıdemıologııalyq ahýaldy baqylaý úshin Ashyq qosymshasyn ázirledi.

Ashyq qosymshasy Nur-Sultan, Almaty, Qaraǵandy qalalaryndaǵy nysandarda qoldanylyp jatyr.