Ashyq kómegimen «qyzyl» mártebeli 600 qostanaılyq anyqtaldy

QOSTANAI. QazAqparat – Ashyq jobasy karantın buzýshylardy anyqtap jatyr. 10 maýsymnan bastap Qostanaı oblysynyń nysandaryna «qyzyl» mártebedegi 629, «sary» mártebedegi 454 adam kirmek bolǵan. Bul týraly Qostanaı oblysy Kásipkerler palatasynyń dırektory Marat Ábenov málim etti, dep habarlaıdy QazAqparat tilshisi.

«Biz bıznesti tártip buzýshylardy anyqtaýǵa jaýapkershilikpen qaraýǵa jáne olar týraly sanıtarııalyq-epıdemıologııalyq baqylaý organdaryna der kezinde habarlap otyrýǵa shaqyramyz. Osylaı ǵana biz oblystyń basqa turǵyndaryn COVID-19 juqtyrý qaýpinen qutqara alamyz. Ashyq qosymshasynyń arqasynda Qostanaı oblysynyń qoǵamdyq oryndaryna «qyzyl» jáne «sary» mirtebedegi 1 000-nan asa adam kire almady. Bul jobanyń tıimdiligin baıqatady. Sonymen qatar biz bıznestiń nazaryn kásiporyndarda ekpe saldyrý kerektigine aýdarǵymyz keledi, bul – pandemııany toqtatýdyń jalǵyz joly», - dep túsindirdi Qostanaı oblysy Kásipkerler palatasynyń dırektory Murat Ábenov.

Búgingi kúni Qostanaı oblysynda Ashyq jobasyna 4 158 kásiporyn kirdi.

Avtory Janna Musabaeva