Ashyq qoldaný jáne maska taǵý: Elordada bas sanıtardyń jańa qaýlysy shyqty

NUR-SULTAN. QazAqparat – Nur-Sultan qalasy boıynsha memlekettik bas sanıtar dárigerdiń jańa qaýlysy shyqty. Qaýlyǵy sáıkes karantın talaptaryna ózgeris engizildi, dep habarlaıdy QazAqparat tilshisi.

«5 jasqa deıingi balalardy qospaǵanda, sondaı-aq qoǵamdyq tamaqtaný oryndarynda tamaq ishý jaǵdaılaryn qospaǵanda halyqtyń kelýine, qyzmet kórsetýine jáne demalýyna arnalǵan úı-jaılarda, qoǵamdyq kólikte; COVID-19 kúdikti adamǵa kómek kórsetý kezinde deni saý adamdar; koronavırýs ınfektsııasyna uqsas aýrýdyń belgileri (dene qyzýynyń kóterilýi, jótel, túshkirý) bar adamdar maska taǵýǵa mindetti», - delingen jańa qaýlyda.

Sondaı-aq, bas sanıtar dáriger elordada nysandarǵa kirýde «Ashyq» jobasyn qoldaný jalǵasyn tabatynyn eskertti.

«Epıdemıologııalyq baǵalaý matrıtsasynyń «jasyl» jáne «sary» aımaqtarynda ornalasqan kezde osy qaýlynyń 3.1-tarmaǵynda kórsetilgen obektilerde «Ashyq» mobıldi qosymshasyn paıdalaný mindetti emes jáne qyzmetin shektemeı, sýbektiniń sheshimi boıynsha erikti túrde júzege asyrylýy múmkin», - delingen resmı qujatta.

Odan bólek, jańa qaýlyda qala turǵyndary arasynda vaktsınatsııa jáne revaktsınatsııa protsesin baqylaýdy kúsheıtý kerektigi aıtylǵan.

Tolyǵyraq myna siltemede tanysýǵa bolady.

Atalmysh qaýly búginnen bastap kúshine enedi.