«Ashyq»: Eń az QR-kod tirkegen kásipker jobadan shettetiledi

NUR-SULTAN. QazAqparat – «Ashyq» júıesine qatysa otyryp, eń az QR-kod tirkegen kásipkerlik nysandar úsh márte sylbyrlyq tanytsa, júıeden birjola shyǵarylady. Búl týraly Qazaqstannyń bas sanıtar dárigeriniń búgingi Qaýlysynda aıtylǵan, dep habarlaıdy QazAqparat.

Josyqsyz qatysýshylardy «Ashyq» jobasynan shyǵarý algorıtmi:

1. «Ashyq» jobasyna qatysýshylardy jergilikti atqarýshy organdar (ákimdikter) mynadaı negizder boıynsha:

1) monıtorıngilik toptyń obektide jobaǵa qatysýǵa qoıylatyn talaptardyń buzylýyn rastaıtyn faktilerdi anyqtaýy;

2) Qazaqstan Respýblıkasynyń aýmaǵynda koronavırýs ınfektsııasynyń paıda bolýy men taralýyna jol bermeý jónindegi vedomstvoaralyq komıssııanyń (VAK) sheshiminiń negizinde jobadan shyǵarady;

3) 2 aptalyq málimetti júktep alý nátıjeleri boıynsha obekti VAK belgilegen QR-kod (check-in) boıynsha kelýshilerdi tirkeýdiń eń az sanyn júrgizbeýiniń anyqtalýy.

2. QR-kod (check-in) boıynsha kelýshileri eń az sanmen tirkelgen «Ashyq» jobasyna qatysýshylarǵa qatysty ákimdikter:

1) aldyn ala eskertý beredi;

2) monıtorıngilik top anyqtaǵan, qoldanystaǵy jumys algorıtmi qaıta buzylǵan kezde qatysýshy 2 aptaǵa jobadan shyǵarylady.

3. Jumys algorıtmin 3 ret buzǵan qatysýshy (monıtorıngilik toptyń nátıjeleri boıynsha) 2 aıdan erte jobaǵa qaıta orala almaıdy.

Buǵan deıin habarlaǵanymyzdaı, búgin Qazaqstannyń bas sanıtarlyq dárigeriniń jańa Qaýlysy shyqty. Qujatta «Ashyq» júıesimen jumys isteıtin kásipkerlik nysandardyń sanaty 23-ke jetkizilgeni aıtylǵan.

Sondaı-aq Qaýlyda santıarlyq talapty saqtaǵan kásipkerlik nysandaryna «Ashyq» kóshbasshysy» mártebesi beriletini jazylǵan. Bul mártebe kimderge beriletini jáne ony qalaı alýǵa bolatyny qujatta qamtylǵan.