«Ashyq baǵdarlamasy qazaqstandyqtardyń jeke derekterin jarııalaýda» - aqparat jalǵan

NUR-SULTAN. QazAqparat - Áleýmettik jeliler men messendjerlerde Ashyq baǵdarlamasy Seıshel araldarynda tirkelgen jáne ol qazaqstandyqtardyń jeke derekterin úshinshi tulǵalarǵa jarııalap jatqany týraly aqparat taratylýda. Stopfake.kz saıtynyń jazýynsha, bul – jalǵan aqparat, dep habarlaıdy QazAqparat.

«Ulttyq aqparattyq tehnologııalar» AQ taratylǵan málimetti joqqa shyǵardy.

«Ashyq «Ulttyq aqparattyq tehnologııalar» AQ-nyń («UAT» AQ) qorǵalǵan kontýryndaǵy serverlerde ornalasqan. Olar aqparattyq qaýipsizdiktiń barlyq biryńǵaı talaptaryna sáıkes keledi jáne Qazaqstanda tirkelgen. Qosymshanyń fýnktsıonaly derbes derekterdi saqtaýdy, ásirese derekterdi úshinshi tulǵalarǵa berýdi qarastyrmaıdy.

Ashyq-tyń baǵdarlamalyq qamtamasyz etilýi azamattyń mártebesin ǵana kórsetedi. QR-kodty skanerleý kezinde Ashyq avtomatty túrde QR Densaýlyq saqtaý mınıstrliginiń derekqoryna adamnyń mártebesin (qaýipsiz, beıtarap, aýrý juqtyrǵan jáne naýqaspen baılanysta bolǵan) anyqtaý úshin suraý jiberedi, budan basqa QR-kodty skanerleý kezinde eshqandaı is-áreketter júzege asyrylmaıdy. Ashyq jeke derekterdi saqtamaıdy jáne jınaqtamaıdy», – dep habarlady kompanııadan.

Sondaı-aq, «UAT» AQ jalǵan aqparat taratpaýǵa shaqyrdy.