Ashyq: Almatyda «kóshbasshy» jáne «aýtsaıder» kásipkerler tizimi jarııalandy
Spıkerdiń aıtýynsha, Ashyq-pen jumys istegisi keletinderdiń sany kún saıyn artýda. Eger maýsym aıynyń basynda 1700 qatysýshy bolsa, búginde olardyń sany 6419-ǵa jetti.
Aıtýar Qoshmambetov Almatyda jeke kásipkerlerdiń 37 paıyzdan astamy jobaǵa qosylǵanyn aıtty. Qoǵamdyq tamaqtaný jáne qonaq úılerdiń ıeleri barynsha belsendilik tanytýda.
«Jobaǵa eń kóp qatysyp jatqan TOP-5 qyzmet túrin anyqtadyq. Bul – 22 242 qoǵamdyq tamaqtaný obektisi, 1 117 – bazar, saýda, oıyn-saýyq ortalyqtary, saýda ortalyqtary, 835 - sulýlyq salony, shashtaraz, 491 - balalardy saýyqtyrý ortalyǵy jáne ıoga ortalyqtaryn qosqanda 426 fıtnes-klýb», - dedi Almaty qalalyq Kásipkerler palatasynyń basshysy.
Málim etilgendeı, Ashyq jobasyna qatysatyn keıbir kásipkerler kelýshilerdi skanerleýde jaýapsyzdyq tanytýda. Qazirdiń ózinde 900-den astam aýtsaıder bar.
«30 shildede ákimdik saıtyndaǵy tizimderdi jańarttyq, onda jaýapsyz qatysýshylar da, joba kóshbasshylary da kórsetilgen. Ashyq jobasynda barlyǵy 152 kóshbasshysy bar. Biz barlyq aqparatty apta saıyn Aqparat jáne tsıfrlyq damý mınıstrliginen alamyz», - dedi A. Qoshmambetov.
Almaty qalasyndaǵy Ashyq jobasy kóshbasshylarynyń tizimi - https://www.gov.kz/memleket/entities/almaty/documents/details/197689?lang=kk
Almaty qalasyndaǵy Ashyq jobasyna erikti qatysýshylardyń tizimi – https://www.gov.kz/memleket/entities/almaty/documents/details/197690?lang=kk
Ashyq jobasynan shyǵarylǵan jaýapsyz qatysýshylardyń tizimi - https://www.gov.kz/memleket/entities/almaty/documents/details/197691?lang=kk
«Eger jobaǵa qatysýshylar óz mindettemelerin oryndamasa, olar shyǵarylady jáne preferentsııalarmen jumys isteý múmkindiginen aıyrylady. Eki aptanyń nátıjesi boıynsha Almatyda 61 qatysýshy jobadan shyǵaryldy», - dedi A. Qoshmambetov.
Epıdemıologtardyń málimeti boıynsha, Almatyda Ashyq-tyń arqasynda ózin-ózi oqshaýlaý rejımin buzǵan 170 adam anyqtaldy. Olardyń barlyǵy ákimshilik jaýapkershilikke tartyldy.