«Ashyq»: Aqtóbede qyzmet kórsetý oryndarynyń jumys kestesi ózgerdi

AQTÓBE. QazAqparat – Aqtóbede qyzmet kórsetý oryndarynyń jumys ýaqyty uzartyldy. Bul «Ashyq» jobasyna qatysatyn kásipkerler úshin tıimdi, dep habarlaıdy QazAqparat tilshisi.

Aqtóbe oblysynyń bas sanıtar dárigeri jańa qaýly shyǵardy. Qujatta «Kóshbasshy» mártebesi bar nysandardyń jumys kestesine ózgertýler men tolyqtyrýlar engizilgen.

«Endi «Ashyq» baǵdarlamasyn engizgen qyzmet kórsetý oryndary saǵat 22:00-ge deıin jumys isteı alady. Al «Kóshbasshy» mártebesine ıe nysandar saǵat 00:00-ge deıin qyzmet kórsetýge múmkindik aldy», - dep habarlady oblystyq sanıtarııalyq-epıdemıologııalyq baqylaý departamentiniń baspasóz qyzmeti.

Aıta keteıik, Aqtóbe oblysynda «Ashyq» jobasynyń 3 myńnan astam qatysýshysy bar. Onyń 37-i «Kóshbasshy» mártebesine ıe.

«Búgingi kúni nóldik kórsetkish boıynsha jáne kelýshilerdi 20 jáne odan da az tirkegen, ıaǵnı, ótkizgen 25 qatysýshysy aýtsaıder retinde ýaqytsha shyǵaryldy. «Ashyq» jobasynyń qatysýshylary, aýtsaıderleri men kóshbasshylary týraly aqparat apta saıyn Aqtóbe oblysy ákimdiginiń saıtynda jańartylady. Al keńesshiler kásipkerler palatasynyń árbir fılıalynda jobaǵa qatysýǵa ótinim berýge kómektesedi», - dep málim etti «Atameken» óńirlik kásipkerler palatasynyń baspasóz qyzmeti.