ASHYQ: Aqtóbede karantındegi 88 adam qoǵamdyq tamaqtaný oryndaryna barǵan

AQTÓBE. QazAqparat – Aqtóbede koronavırýs ınfektsııasyn juqtyrǵan 21, olarmen baılanysty bolǵan 67 adam karantın rejımin saqtamady, dep habarlaıdy QazAqparat tilshisi.

«Ashyq» jobasy arqyly «qyzyl» mártebesi bar 21, «sary» mátebesi bar 67 adamnyń úı karantıni talabyn saqtamaǵany anyqtaldy. Koronavırýs ınfektsııasyn juqtyrǵandar men olarmen baılanysta bolǵan adamdar kóbine qoǵamdyq tamaqtaný oryndaryna barǵan.

«Ashyq» qosymshasyna qatysty barlyq suraq boıynsha Aqtóbe oblysynyń kásipkerler palatasyna habarlasý qajet. Bıznesti «Ashyq» jobasyna belsendi qatysýǵa, onyń sharttaryn saqtaýǵa jáne osy joba beretin artyqshylyqtardy paıdalanýǵa shaqyramyz», - dedi Óńirlik kásipkerler palatasynyń dırektory Sulýpan Shyntasova.

Aıtyp óteıik, Aqtóbe oblysy boıynsha 488 bıznes sýbektisi «Ashyq» jobasymen jumys isteıdi. Nysandar tizimi oblys ákimdiginiń saıtynda jarııalanyp, jańartylyp otyrady.