Ashyq: Aqtóbede 27 nysan jobadan ýaqytsha shyǵaryldy

AQTÓBE. QazAqparat – Aqtóbede «Ashyq» jobasynyń talaptaryn saqtamaǵan 27 kásipkerlik nysan anyqtaldy. Olar bir de bir kelýshini tirkemegen, dep habarlaıdy QazAqparat tilshisi.

Kelýshilerdi tirkemegen 27 nysan ıesi endi eki apta boıy «Ashyq» jobasymen jumys isteı almaıdy.

«Keıbir kásipker áli kúnge deıin «Ashyq» jobasynyń múmkindikterin jete túsinbeı, uǵyna almaı otyr. Sonymen birge talap ta kúshti. Kásipker eki ret talapty buzsa, eki aı boıy jobadan shettetiledi»,- deıdi Óńirlik kásipkerler palatasynyń dırektory Sulýpan Shyntasova.

Aıtyp óteıik, oblys boıynsha 24 nysanǵa «Ashyq» jobasynyń kóshbasshylary» mártebesi berildi.

Ereje boıynsha olar óziniń jumys ýaqyty 2 saǵatqa uzatty.

Sonymen birge kelýshiler sanyn ósire alady.

Búgingi tańda barlyǵy 488 nysan ıesi «Ashyq» jobasyna tirkeldi