«Ashyqta» tek «jasyl» mártebesin paıdalaný kezinde barlyq is-sharalar shekteýlersiz ótkiziledi

NUR-SULTAN. QazAqparat – «Ashyqta» tek «jasyl» mártebesin paıdalaný kezinde barlyq is-sharalar shekteýlersiz ótkiziledi. Bul týraly búgin Úkimet otyrysynda QR Densaýlyq saqtaý mınıstri Ajar Ǵınııat málim etti, dep habarlaıdy QazAqparat tilshisi.

«Memleket basshysynyń 21 qańtardaǵy tapsyrmalaryn iske asyrý maqsatynda vedomstvoaralyq komıssııada bıznes sýbektileri úshin shekteýlerdi tómendetý tásilderi qaraldy jáne maquldandy. Sonymen bıznes obektilerinde «Ashyq» jobasyn odan ári engizý jalǵastyrylady», - dep atap ótti ol.

Mınıstr «jasyl» jáne «kók» mártebesi bar kelýshilerdi kirgizetin barlyq aımaqta, barlyq obektilerde jumys ýaqyty boıynsha shekteýler alyp tastalatyndyǵyn aıtty.

«Epıdemıologııalyq qaýip aımaǵyna qaramastan, Ashyqta tek «jasyl» mártebesin paıdalaný kezinde saltanatty, eske alý, sport is-sharalary, kórmeler, forýmdar shekteýlersiz ótkiziledi. Sport keshenderiniń, saýyqtyrý jáne dinı obektilerdiń, oıyn-saýyq obektileriniń, saýda-oıyn saýyq ortalyqtarynyń, saýda jelileriniń qyzmetine shekteý qoıylmaıdy», - dedi Ajar Ǵınııat.