«Ashyq úkimettiń» jumysyn jetildirýde problemalar bar - vıtse-mınıstr
Búginde Qazaqstanda «Ashyq úkimet» qurylyp, azamattardyń qoǵamdyq mańyzdy máselelerge qatysty ózindik pikiri men oıyn bildiretin qoǵamdyq keńester jumys isteýde.
Qoǵamdyq keńester men qoǵamdyq qabyldaý bólmeleriniń jumysy búkil respýblıka boıynsha bir izge keltirilgen.
Degenmen Ashyq úkimettiń jumysyn jetildirýde qoljetimdilik pen ashyq bolýyn zańdastyrý problemalary bar ekeni eskerilip, osy máselelerge arnalǵan dóńgelek ústel ótti.
«Qazaqstanda «Ashyq úkimet» saıasaty 2015 jyldan bastap iske asyrylyp keledi. Búginde árbir azamat aqparatty erkin ala alýy úshin ashyq úkimet portaly ashylǵan. Sonymen qatar, zańnyń durys oryndalýyn qadaǵalaý jáne qoǵamdyq baqylaýmen qamtamasyz etý maqsatynda Úkimet janynan qoljetimdi aqparattar jónindegi komıssııa quryldy. Komısııanyń quramynda qoǵamdyq keńesterdiń belsendileri, úkimettik emes uıymnyń músheleri bar. Osyǵan qaramastan «Ashyq úkimettiń» jumysyn jetildirýde sheshimin tappaǵan problemalar bar», - dedi Aqparat jáne kommýnıkatsııalar vıtse-mınıstri Nurgúl Maýberlınova.
Sharada Ekonomıkalyq yntymaqtastyq jáne damý uıymynyń (OESR) ókilderi óz tájirıbelerin usyndy. Olardyń usynysy boıynsha «Ashyq úkimet» kelesi qadamdardy qatań saqtaýǵa tıis:
«Ashyq úkimet» bolý úshin biryńǵaı anyqtama berý;
«Ashyq úkimettiń» strategııasyn jasaý;
Vedomstvoaralyq baılanys;
BAQ pen ÚEU-ny táýelsizdik jáne sóz erkindigimen qamtasyz etý;
ATI (Addıs-Abeba salyǵy boıynsha bastamalar) tıimdi engizýdi qamtamasyz etý.
«Biz ústimizdegi jyldyń sáýir aıynan bastap Astana men Batys Qazaqstan oblystaryndaǵy «Ashyq úkimet» jáne «Qoǵamdyq keńester» jumystarymen tanystyq. Qazaqstandaǵy qoǵamdyq keńesterdiń jumystaryn saraptaı kele, óz tájirıbemizdi usynýdamyz. Álemniń damyǵan elderi saıasat pen ekonomıkadaǵy, jalpy qoǵamdaǵy árbir jaǵdaıǵa azamattyń ózindik oı-pikirin bildirýine múmkindik jasaǵan. Qazaqstanda bul jumys bir izge qoıylǵan, biraq jetildiretin tustary bar», - dedi OESR sarapshysy Hılle Hınsberg.