«Ashyq Úkimet» portalynyń jańa nusqasyn ázirleý qajet- Aıda Balaeva

NUR-SULTAN. QazAqparat - «Ashyq Úkimet» portaldarynyń barlyǵy eskirgen. Bul týraly QR Aqparat jáne qoǵamdyq damý mınıstri Aıda Balaeva aıtty, dep habarlaıdy QazAqparat tilshisi.

«Ashyq Úkimet» portaldarynyń qazirgi qoldanystaǵy sáýletiniń moraldyq turǵyda eskirýi kelesi problema sııaqty. «Ashyq bıýdjetter» portalyn Qarjy mınıstrliginiń aqparattyq júıelerimen yqpaldastyrý protsesinde qıyndyqtar týyndaýda. Qarjy mınıstrligi de, memlekettik josparlaý da problemanyń bar ekendigin kezekti márte kórsetip otyr«, - dedi mınıstr Aqparatqa qol jetkizý máseleleri jónindegi komıssııanyń otyrysynda.

Osyǵan oraı ol atalǵan portaldardy qaıta qaraý qajettigin atap ótti.

»Sondyqtan sáýletin qaıta qarap, «Ashyq Úkimet» barlyq portaldarynyń jańa nusqasyn ázirleý qajet. Biz tıisti mınıstrlikke naqty suranys jiberdik. Menińshe, ol jaqta jaqsy sheshim qabyldyp, bul saýaldarǵa ońtaıly jaýap bolady«, - dedi Aıda Balaeva.

Aıta keteıik, onlaın formatta ótken Aqparatqa qol jetkizý máseleleri jónindegi komıssııanyń otyrysynda múmkindigi shekteýli adamdardyń aqparatqa qol jetkizý máseleleri, memlekettik organdardyń ashyqtyq deńgeıin jyl saıynǵy baǵalaýdyń negizgi qorytyndylary, memlekettik organdardyń ınternet-resýrstarynyń biryńǵaı tuǵyrnamasynyń jumysy, sondaı-aq «Ashyq bıýdjetter» portalyn jetildirý boıynsha jumys josparynyń oryndalýy talqylandy.