«Ashyq Úkimet» portalynyń mobıldik nusqasy ázirlenedi
«Ashyq dıalog» portaly memlekettik organdar men qoǵam arasyndaǵy keri baılanysty ornatýǵa arnalǵan alań sanalady. Onda árbir múddeli adam memlekettik organdardyń birinshi basshylaryna blog-platformalar arqyly, sondaı-aq ınternet-konferentsııalar men saýalnamalarǵa qatysa otyryp, pikirlerin qaldyra alady. Sondaı-aq ózderin qyzyqtyrǵan máseleler boıynsha suraqtar qoıýǵa múmkindik bar»,- dep atap ótti mınıstr.
Onyń dereginshe, atalǵan portal qurylǵan sátten beri 230 myń ótinish kelip túsken. Memlekettik organdar 426 ınternet-konferentsııa ótkizip, 215 saýalnama júrgizdi.
«Degenmen, jekelegen memlekettik organdar keri baılanys alýdyń osynaý tetigin paıdalanbaǵan. Máselen, Eńbek jáne halyqty áleýmettik qorǵaý, Syrtqy ister, Qorǵanys jáne aeroǵarysh ónerkásibi mınıstrlikteri, Astana qalasynyń, Aqtóbe, Jambyl jáne Atyraý oblystarynyń ákimdikteri portal qurylǵan sátten beri birde-bir saýalnama júrgizbegen», - dedi Dáýren Abaev.
Abaevtyń aıtýynsha, sońǵy ýaqytta halyqtyń bıýdjet týraly aqparatty qabyldaýyn jeńildetý úshin bıýdjettik baǵdarlamalardyń ákimshileri «Ashyq bıýdjetter» portalynda azamattyq bıýdjetterdi ornalastyra bastaǵan. Azamattyq bıýdjet dep qoǵam úshin qoljetimdi nysanda bıýdjettiń negizgi erejelerin ashatyn aqparattar túsindiriledi. Sonymen qatar ol 2015 jyldan bastap «Ashyq Úkimet» portaly 680 myń ret qaralǵanyn, bul jaqsy kórsetkish emestigin ashyq aıtty.
«Aǵymdaǵy jyldyń sońyna deıin «Ashyq Úkimet» portaldarynyń mobıldik nusqalary jáne kórý qabileti nashar adamdarǵa arnalǵan nusqalary ázirlenetin bolady», - dedi mınıstr.