«Ashyq Úkimet» portaly «Ashyq petıtsııa» komponentimen tolyǵady

ASTANA. QazAqparat - Qazaqstannyń «Ashyq Úkimet» portaly «Ashyq pedıtsııa» komponentimen tolyǵady. Bul týraly búgin Májiliste «Aqparatqa qol jetkizý týraly» QR zańynyń iske asyrylý barysyna arnalǵan dóńgelek ústel otyrysynda Aqparat jáne kommýnıkatsııalar mınıstri Dáýren Abaev aıtty, dep habarlaıdy QazAqparat.

«Mınıstrlik tarabynan «Ashyq petıtsııa» atty jańa komponentti qurý máselesy talqylanýda. Ony júzege asyrý úshin zańnamalyq aktilerge ózgerister engizý qajet. Buǵan qosa, qosymsha bıýdjet qarajaty da kerek bolady. Degenmen, oǵan ýaqyt kerek», - dep atap ótti ol.

Onyń aıtýynsha, Májilis depýtattary eskertpeleri men úkimettik emes uıymdardyń usynystaryn oryndaý maqsatynda mınıstrlik «Ashyq Úkimet» komponentterine redızaın júrgizgen. «Ashyq málimetter», «Ashyq ÚEU», «Ashyq dıalog» jáne «Ashyq bıýdjet» komponentterin  «Ashyq Úkimet» portalynyń negizgi betine ornalastyrylǵan.

Degenmen, búgingi kúni atalǵan portaldy aqparattarmen toltyrý jumystary barynsha ózekti bolyp otyr. Bul baǵyttaǵy memlekettik organdardyń jumystary da jandana túsýde.

«Eger ótken jyldyń ishinde úkimettik emes uıymdardyń 7 myń 12 jobasy ornalastyrylsa, aǵymdaǵy jyldyń 5 aıynyń ishinde ǵana 5 878 joba salyndy. «Ashyq bıýdjet» portalynda 2016 jyly 5 908 bıýdjettik baǵdarlama, al bıyldyń ózinde 5 519 baǵdarlama ornalastyryldy», - dedi D.Abaev.

Sonymen birge mınıstr «Ashyq dıalog» portalynyń tanymaldaǵy artyp kele jatqandyǵyn atap ótti. Onyń dereginshe, atalǵan portalǵa ótken jyly azamattardan shamamen 1 600, al aǵymdaǵy jyldyń ishinde shamamen 2 600 ótinish túsken.

«Problemasyz bolmaıtyndyǵy da sózsiz. Aqparat máselelerine aıryqsha nazar aýdarý qajet. «Ashyq Úkimet» komponentin qoldanýshylar qaldyrǵan túsiniktemeler jaýapsyz qalyp jatady nemese formaldy jaýap alady. «Ashyq málimetter» portalyq toltyrý da aıtarlyqtaı tejelýde. Munyń barlyǵy da aınalyp kelgende atalǵan salada oryndalyp jatqan jumystarǵa azamattardyń senbeýshiligin týyndatady», - dedi Dáýren Abaev.