«Ashyq aımaq» jobasy ákimderdiń jumysyn baǵalaıdy

ASTANA. QazAqparat - QR Aqparat jáne kommýnıkatsııalar mınıstri Dáýren Abaev «Ashyq aımaq» jobasynyń tıimdiligin túsindirdi, dep xabarlaıdy QazAqparat tilshisi.

Mınıstrdiń aıtýynsha, atalǵan jobany bıyl iske asyrý josparlanǵan. Sonyń aıasynda óz jumysyn ashyq júrgizetin ákimdikter anyqtalady.
«Úzdik dep tanylǵan ákimdikter barlyq aımaqtardyń nazaryna usynylady. Ákimdiktermen qatar máslıxattardyń da ashyqtyǵyn qamtamasyz etý mańyzdy. Bul qadam máslıxattardyń «Ashyq dıalog» portalynda óz bloktaryn ashý arqyly júzege asady», - deıdi D.Abaev.

Onyń sózine qaraǵanda, búginde memlekettik organ basshylarynyń ashyqtyǵyn baǵalaý júıesi de bar.

«Máselen, memlekettik organnyń birinshi basshysynyń blogyna ótinishin nemese suraǵyn qaldyrǵan azamat ózine berilgen jaýapqa pikir qaldyryp, sol arqyly birden óz baǵasyn bere alady. ıAǵnı, memlekettik organdardyń reıtıngi olardyń azamattarǵa bergen jaýabynyń sapasyna saı saralanyp otyrady», - dep atap kórsetti D.Abaev.

Aıta keteıik, búgin Astanada QR Aqparat jáne kommýnıkatsııalar mınıstrliginiń alqa májilisi ótti. Sol jerde Dáýren Abaev tsıfrlyq telexabarlarǵa qosylatyn oblystardy atady.

Spýtnıktik tarelkalar aýyl turǵyndaryna tegin beriledi.

Al Qazaqstannyń telexabarlary Reseıge tarala bastady.

Al QR Premer-Mınıstriniń orynbasary - QR Qorǵanys jáne aeroǵarysh ónerkásibi mınıstri Asqar Jumaǵalıev aqparattyq texnologııalardy damytý boıynsha birqatar tapsyrmalar berdi.

Sondaı-aq, ol anyqtamalardy barynsha qysqartýdy tapsyrdy.

Budan bólek, QR Aqparat jáne kommýnıkatsııalar mınıstri Dáýren Abaev memlekettik qyzmette smartfon ustaýǵa qatysty pikir bildirdi.

Mınıstr áleýmettik jeliler men messendjerlerde zorlyq-zombylyqqa qatysty kontentti buǵattaý týraly aıtyp berdi.