Ashý qysqan kezde sabyrǵa kelý úshin ne isteý kerek – psıholog keńesi

<p>ÓSKEMEN. KAZINFORM &ndash; &laquo;Ashý &ndash; dushpan, aqyl &ndash; dos&raquo; deıdi qazaq. Biraq sol dushpanyn jeńe almaı júrgender kóp. Osy rette, psıholog Zarına Qaharmanqyzy keńes berdi.</p>

Boıdy ashý bılegende "3 mınýt" erejesin qoldanyp kórińiz. Ol úshin 3 mınýt boıy únsizdikte bolyńyz. Osy 3 mınýt únsizdik sizdi balaǵat sóz aıtýdan, qol kóterýden, basqanyń júregin jaralap, keıin ókinýden saqtaıdy. 3 mınýt únsizdikte bola alsańyz - 30 mınýt, odan keıin 3 saǵat sabyr saqtap kórińiz. Al óz-ózińizdi 3 saǵat ustaı alsańyz, ary qaraı 3 kún de sabyr saqtaı alasyz», - deıdi ol.

Zarına Qaharmanqyzynyń aıtýynsha, psıhıkasy saý adam ashý-yzasyn sózben bildiredi. 3 mınýt, 30 mınýt, bálkim 3 saǵattan keıin ashýyn shaqyrǵan adammen áńgimelesedi.

«Mysaly, "Áıelim, men saǵan ashýlanyp turmyn. Ashýymnyń sebebi osyndaı. Men seni tipti shapalaqpen bir urǵym kelip tur. Men seni balaǵattaǵyp kelip tur" dep, ary qaraı osy máseleni talqylaıdy. Biraq urmaıdy. Al psıhıkasy saý emes adam oıynda ne baryn aıtpaı, birden is-áreketke kóshedi. Ura ketedi nemese birden balaǵattaı jóneledi», - deıdi psıholog.

Osyndaı ashýshań kúıde jıi bolsańyz - psıholog qabyldaýyna jazylyp, ashý qashan jáne ne sebepti paıda bolǵanyn anyqtap, túıinin sheship alǵanyńyz jón.