Ashtyqtan júdep, júre almaǵan: Almaty oblysynda 6 jasar bala aýrýhanaǵa jetkizildi

<p>Almaty oblysy aýmaǵynda &laquo;Baqytty jáne qaýipsiz balalyq shaq&raquo; jobasy júzege asyrylyp jatyr. Іs-sharany Almaty oblysynyń prokýratýrasy Polıtsııa departamentimen jáne basqa múddeli organdarymen birge qolǵa alǵan, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

Oblystyq prokýratýra málimetinshe, joba balalardyń quqyǵyn qorǵaýǵa baǵyttalǵan. Negizgi maqsat – zorlyq-zombylyq kórý qaýpi bar nemese oǵan ushyraǵan balalardy anyqtaý.

«Mobıldi toptar bir aıda 400-den astam otbasyn tekserdi. Onyń ishinde polıtsııa jáne probatsııa organdarynda esepte turǵan tulǵalar, turmysy qolaısyz, tolyq emes jáne tabysy az otbasylar, sondaı-aq balalar ógeı ákelerimen turatyn otbasylar bar. Mysaly, Іle aýdanynda ashtyqtan júdeý, sóıleýge jáne júrýge murshasy qalmaǵan 6 jasar Ch.M. anyqtaldy. Bala «eki jaqty pnevmonııa» dıagnozymen jedel túrde aýdandyq aýrýhanaǵa jatqyzylyp, medıtsınalyq kómek kórsetildi», – dep atap ótedi prokýratýradan.

Vedomstvo málimetinshe, balanyń ata-anasy Ákimshilik quqyqbuzýshylyq týraly kodekstiń 127-babynyń 2-bóligi boıynsha jaýapkershilikke tartyldy. Sonymen qatar qamqorshylyq organ olardyń ata-ana quqyǵyn shekteý týraly talappen sotqa júgingen.

«Raıymbek aýdanynda 3 balasy ashtyqtan júdegen otbasy anyqtaldy. Olarǵa medıtsınalyq kómek kórsetilip, qysqy qıim satyp alyndy. Eki bala jazylǵan soń balabaqshaǵa, al úlkeni mektep-ınternatqa ornalastyrylady. Balqash aýdanynda 3 otbasynda ógeı ákeleri balalardy uryp-soqqany anyqtaldy. Polıtsııa organdary kináli tulǵalarǵa qatycty ÁQBtK 73-2-baby (Uryp-soǵý) boıynsha ákimshilik quqyq buzýshylyq týraly is qozǵady», – delingen prokýratýra usynǵan málimette.