AShM Jetisý oblysynda jerdi ruqsatsyz basyp alý faktileriniń jolyn kesti
10:35, 17 Shilde 2024
<p>ASTANA. KAZINFORM – Aǵymdaǵy jyly Qazaqstan Respýblıkasy Aýyl sharýashylyǵy mınıstrligi Jer resýrstaryn basqarý komıtetimen birlesip, Jetisý oblysynyń Kóksý aýdanynda ornalasqan jer qoınaýyn paıdalanýshyǵa jospardan tys tekserý júrgizdi. </p>
«Komıtettiń aýmaqtyq departament ókilderiniń tekserý nátıjesi boıynsha JShS-men memleket menshigindegi kólemi 1,92 ga jer ýchaskesin óz betinshe ıelenip alý faktisi anyqtaldy», — delingen habarlamada.
Osyǵan baılanysty, Qazaqstan Respýblıkasynyń Ákimshilik quqyq buzýshylyq kodeksiniń 136 babyna sáıkes sharalar qabyldanyp, sommasy 553 myń teńge kóleminde aıyppul salyndy jáne memleket kirisine óndirildi.
Qazirgi ýaqytta óz erkimen basyp alǵan jer ýchaskesi bosatyldy jáne zańbuzýshylyq joıyldy.