AShM sharýalarǵa túngi kezekpen egin egýge keńes berip otyr

<p>ASTANA. KAZINFORM &ndash; Kóktemgi egis jumystaryna qatty jańbyr kedergi keltirýi múmkin. Úkimet otyrysynan keıin BAQ ókilderiniń suraǵyna jaýap bergen Aýyl sharýashylyǵy mınıstri Aıdarbek Saparov osynda málimet aıtty.</p>

«Birinshi kezekte tehnıkany daıyndaý kerek. Ákimdikterdiń málimeti boıynsha, búginde tehnıkanyń 98%-y daıyn. Endi qalǵan 2%-yn retke keltirý kerek, 15 mamyrǵa deıin dıqandar daıyn bolady. Bul ákimdikterdiń málimeti, sondyqtan eshqandaı problema kórip otyrǵan joqpyz», - dedi Aıdarbek Saparov. 

Mınıstr ákimdikter men sharýalarǵa alda qatty jańbyr kele jatqanyn eskerttik dep otyr. 

«Qatty jańbyr bolady degen aqparat aıtylyp júr. Sondyqtan ákimdikter men aýyl sharýashylyǵy qurylymdaryna qajet bolsa, túngi kezekterge de daıyn bolý kerektigin eskerttik. Óte qysqa merzimde úlgerý úshin solaı isteý kerek», - dedi mınıstr.