AShM mańǵystaýlyq fermerlermen kezdesip, problemalardy sheshýdiń baǵyttaryn talqylady
Vedomstvo basshysy fermerlermen kezdesip, jemshóp baǵasyn baqylap, operatorlardyń qoımalaryn qarap shyqty. Sondaı-aq oblystyń aýyl sharýashylyǵy máseleleri jónindegi keńeske qatysty.
Jıynda mınıstr azyq-túlikpen qamtamasyz etý boıynsha qalyptasqan kúrdeli jaǵdaıdy talqylaý, jaǵdaıdy turaqtandyrý úshin odan ári qadamdar jasaý jáne jalpy aýyl sharýashylyǵy salasyn damytý máselelerin qaraý maqsatynda kelgenin habarlady.
Erbol Qarashókeev ótken jyly 733 sharýa qojalyǵy 281 089 mal basymen jáne 6776 jeke qosalqy sharýashylyq kómek alǵanyn atap ótti.
«Áleýmettik jáne ekonomıkalyq turaqtylyqty qamtamasyz etý maqsatynda 2022 jyldyń 31 qańtarynda QR Úkimetiniń rezervinen qosymsha tirkelgen 71 343 aýyl sharýashylyǵy janýaryn azyqpen qamtý úshin 663,9 mln teńge bólindi», - dep atap ótti vedomstvo basshysy.
Aýyl sharýashylyǵy janýarlaryn tirkeý jónindegi jumysty jalǵastyrý qajettiligin eskere otyryp, aǵymdaǵy jyldyń 1 aqpany men 31 mamyry aralyǵynda «Jasyl dáliz – 3» fýnktsıonaly ashyldy. Tolyq qamtý jáne úzdiksiz jumys isteý úshin veterınarııalyq dárigerleri joq eldi mekenderge qosymsha 17 qyzmetker jiberilip, olardyń barlyǵy qajetti kompıýterlik tehnıkamen qamtamasyz etildi.
Mańǵystaý oblysynyń fermerlerin qoldaý maqsatynda Azyq-túlik korporatsııasynyń rezervinen 220 tonna kebek jetkizildi, ol arzandatylǵan baǵamen satylady. Sondaı-aq búgingi tańda astyq egetin óńirlerden 1000 tonna jóneltýge daıyn.
Vedomstvo basshysy oblystaǵy jáne qurǵaqshylyq kezinde ólgen janýarlardyń jalpy sany máselelerine jeke toqtaldy. Onyń aıtýynsha, 2022 jylǵy 31 qańtardaǵy jaǵdaı boıynsha usaq mal - 363,4 myń bas, jylqy – 113,5 myń bas, túıe - 82,2 myń bas, iri qara mal - 24,5 myń bas.
Aıta ketý kerek, sońǵy jyldary jylqy malynyń ósýi baıqalady, tek ótken jyldyń tamyz aıynan bastap olardyń sany 24 627 basqa artty. Sonymen qatar, olardyń arasynda jergilikti jaǵdaılarǵa beıimdelmegen, buryn Batys Qazaqstan, Aqmola jáne basqa oblystardan ákelingen tuqymdardyń bar ekendigi baıqalady. Bul mamandardyń pikirinshe, aımaqtyń jaıylymdyq ereksheligi iri qara men jylqylardyń tolyqqandy ósirilýine yqpal etpeıdi.
Sondaı-aq barlyq mal basynyń 40% uıymdastyrylǵan sharýashylyqtarda shoǵyrlanǵanyn atap ótken jón. Osyǵan baılanysty, vedomstvo basshysy fermerlerdi aldaǵy kezeńde jemshóppen qamtamasyz etý jumystaryna jaýapkershilikpen qaraýǵa shaqyrdy. Mınıstrdiń pikirinshe, jergilikti atqarýshy organdar men agrarshylar jańa mehanızmderdi ázirlep, jazǵy kezeńde mal azyǵymen qamtamasyz etý úshin qosymsha múmkindikterdi qarastyrýy, onyń ishinde elimizdiń basqa óńirlerine shalǵaıdaǵy mal sharýashylyǵy áleýetin keńinen paıdalanýy qajet.
Vedomstvo basshysy jemshóppen qamtamasyz etý aýdan ákimderin mindeti ekenin aıtyp, aýdandyq deńgeıdegi jergilikti atqarýshy organdardy osy máselelerdi belsendi sheshýge shaqyrdy. Sondaı-aq olardyń tikeleı fýnktsıonaldyq mindetterin iske asyrýdaǵy enjarlyǵyn atap ótti.
Sóz sońynda Erbol Qarashókeev Mınıstrliktiń AÓK memlekettik qoldaý júıesin reformalaý salasynda júrgizip jatqan jumysy týraly habardar etip, onyń «barlyq múddeli taraptarmen tyǵyz ózara is-qımylda júrgizilip jatqanyn» atap ótti.
Óz kezeginde fermerler ózderiniń problemalyq máselelerin aıtyp, usynystaryn aıtyp, suraqtaryn qoıdy. Mınıstr qatysýshylardy júıeli sıpattaǵy problemalar men usynystar úkimettik deńgeıde qaralatynyna sendirip, barlyq jınaqtalǵan problemalardy syndarly, ashyq dıalog pen ózara senim arnasynda ǵana sheshýge bolatynyn atap ótti.