AShM Qytaıǵa qoı etin eksporttaýǵa jol ashty
Іs-sharaǵa QR AShM Veterınarlyq baqylaý jáne qadaǵalaý komıetiniń tóraǵasy Tursyn Qabdýldanov, QR AShM Mal sharýashylyǵy departamenti dırektory Azamat Saǵynbaev jáne «Zernovaıa ındýstrııa» agroholdıngi dırektorlar keńesiniń tóraǵasy Qaıyrjan Naýryzǵalıev qatysty.
QR Aýyl sharýashylyǵy mınıstrligi Memleket basshysynyń tapsyrmasyn oryndaý aıasynda otandyq ónimderdi ilgeriletý jáne taýarlardy halyqaralyq naryqtarǵa shyǵarý maqsatynda strategııalyq izdeý jumystaryn jalǵastyryp otyr.
Eń aldymen, qazaqstandyq bıznes úshin logıstıkalyq shyǵyndardy azaıtý, ınfraqurylymnyń qoljetimdiligin qamtamasyz etý jumystary kórshi eldermen baılanysty ornatqanda júzege asyrylady.
Bul baǵytta Qytaı Halyq Respýblıkasynyń Sapany qadaǵalaý, ınspektsııa jáne karantın jónindegi bas basqarmasymen Qazaqstan Respýblıkasynan QHR-ǵa aýyl sharýashylyǵy taýarlaryn kedergisiz alyp kelý boıynsha ákimshilik jáne veterınarlyq talaptardy kelisý jumystary júrgizilýde.
Osyǵan deıin QHR Sapany qadaǵalaý, ınspektsııa jáne karantın jónindegi bas basqarmasy bıdaı partııasyn, soıany, bıdaı jarmasyn eksporttaý boıynsha kelisimderge qol jetkizilgen bolatyn.
2018 jylǵy 20 naýryzda QHR Sapany qadaǵalaý, ınspektsııa jáne karantın jónindegi bas basqarmasynyń arnaıy saıtynda muzdatylǵan qoı etiniń veterınarlyq sertıfıkat (talaptaryn) kelisý jáne Qazaqstannyń 9 oblysyna osy ónimdi ımporttaýǵa ruqsat berý týraly aqparat ornalastyrylǵan bolatyn. Nodýlıarlyq dermatıt boıynsha qoıylǵan shekteýlerge baılanysty muzdatylǵan qoı etin eksporttaý ázirge tek temir jol arqyly Altynkól, Dostyq beketterinde júzege asyrylady.
Sonymen qatar, 2018 jyldyń sáýir aıynda Qytaı delegatsııasynyń qazaqstandyq óndiris oryndaryna maqsary men jońyshqany eksporttaý úshin fıtosanıtarlyq talaptardy ońtaılandyrý úshin issapary josparlanǵan.
Aýyl sharýashylyǵy ónimderi boıynsha jumys tobynyń 4-shi keńesinde (2018 jyly 2 jeltoqsanda, Astanada) 2018 jyly maýsym aıynda arpa men júgeri óndirý boıynsha birikken ınspektsııa ótkizý týraly kelisimge qol qoıyldy.
Statıstıka komıtetiniń málimeti boıynsha 2017 jyly qoı etin Reseı, Iran, Bahreın, BAÁ, Kýveıt elderine barlyǵy 895,4 tonna et 4 068,6 myń AQSh dollaryna eksporttaldy. 2016 jylmen salystyrǵanda qoı etin eksporttaý 4,2 esege artty.
Aldaǵy kúnderi Qytaıǵa sıyr etin, usaq maldy soıýǵa, túıe jáne basqa mal túrlerin eksporttaýǵa talaptardy kelisý boıynsha kelissózder qaıtadan qolǵa alynady.