AShM qus tumaýynan kelgen shyǵyndy eseptep jatyr
«Álemde qus tumaýy boıynsha epızotııalyq jaǵdaı qaýyrt kúıinde qalyp otyr. 2020 jyldyń qyrkúıeginde joǵary patogendi qus tumaýy álemniń 26 elinde 459 oshaq tirkeldi. Kórshiles Reseıde de qus tumaýy tirkelip, 1,5 mıllıonnan astam qus shyǵyny anyqtaldy. Osyǵan baılanysty bıylǵy tamyzda Chelıabi, Omby óńirlerinde shekteýler qoıyldy», - dedi T. Qabdoldanov Ortalyq kommýnıkatsııalar qyzmetinde.
Osy oraıda tiri qus pen qus sharýashylyǵy ónimderin atalǵan óńirlerden Qazaqstan Respýblıkasynyń aýmaǵyna ákelýge jáne tranzıtine ýaqytsha shekteýler engizildi.
«QR Aýyl sharýashylyǵy mınıstrliginiń janynan jedel shtab qurylyp. Kún saıyn oblystyń aýmaqtyq ınspektsııalarynyń, jergilikti atqarýshy organdardyń oblystyq veterınarııa basqarmalarynyń qatysýymen onlaın rejıminde jedel shtab otyrystary ótkiziledi. Elimizdiń 7 oblysynyń 78 eldi mekeninde karantın engizildi. Bul rette qus tumaýy rastalmaǵan óńirler bar», - dedi ol.
T. Qabdoldanovtyń aıtýynsha, sońǵy táýlik ishinde Soltústik Qazaqstan oblysynda jeke aýlalarda 22 bas qustyń ólim tirkeldi, al respýblıkanyń basqa aımaqtarynda shyǵyn tirkelmedi.
Budan bólek, qus ósiretin «Beskól» JShS, «Agroınterptıtsa» JShS-da qus ólimi toqtatyldy. 2 qus fabrıkasy boıynsha barlyǵy 361 647 bas qus óteýge jatady.
«Jeke aýlada 45 myń qustyń shyǵyny boldy. Jalpy, elimizde 46 mıllıonnan astam qus basy bar. Onyń ishinde qus tumaýynan kelgen shyǵyn 0,9 paıyzdy qurady. Qazaqstan Respýblıkasynda 64 qus fabrıkasy jumys isteıdi, onyń ishinde jumyrtqa baǵytyndaǵy 35 kásiporny bar», - dedi ol.