AShM Qytaıdyń dron óndirýshilerimen jáne et qaýymdastyǵymen yntymaqtastyq ornatpaq

<p>ASTANA. KAZINFORM &ndash; Astanada 500-den astam qatysýshynyń, onyń ishinde 50 iri qytaılyq kompanııanyń basyn qosqan Qazaqstan-Qytaı Іskerlik keńesiniń 7-shi otyrysy aıasynda aýyl sharýashylyǵy salasyndaǵy eki memorandým jasaldy.</p>

Qazaqstan Respýblıkasynyń Aýyl sharýashylyǵy mınıstrligi men Suzhou Eavision RoboticTechnologies Co arasynda tehnıkalyq yntymaqtastyq týraly qujatqa qol qoıyldy.

Bul joǵary tehnologııalyq óndiris kásiporny ıntellektýaldy ushqyshsyz ushý apparattaryn jáne kúrdeli syrtqy ortalarǵa jaramdy ıntellektýaldy robottardy ázirleýge jáne óndirýge arnalǵan. Eavision ıntellektýaldy mashınalary, jabdyqtary men baǵdarlamalyq qamtamasyz etýleri kóptegen salalarda, sonyń ishinde aýyl sharýashylyǵynda qoldanylady.

Kompanııamen kelisim ósimdikterdi qorǵaýǵa arnalǵan ıntellektýaldy ushqyshsyz ushaqtardy engizýdi qarastyrady. Mundaı qural-jabdyqtardy paıdalaný ósimdikterdi qorǵaý sharalarynyń, sondaı-aq jalpy aýyl sharýashylyǵy óndirisiniń tıimdiligin arttyrady.

Sondaı-aq Qytaı et qaýymdastyǵymen tehnıkalyq almasý jáne et ónerkásibindegi yntymaqtastyq týraly negizdemelik kelisimge qol qoıyldy. Qujat Qazaqstan men Qytaı arasyndaǵy ózara is-qımyldy tereńdetýge, ónim sapasyn jaqsartý jáne eki el arasyndaǵy taýar aınalymyn arttyrý úshin et ónerkásibindegi tehnologııalarmen almasýǵa baǵyttalǵan.

Qytaı et qaýymdastyǵy - quramyna et ónerkásibi kásiporyndary, memlekettik mekemeler, QHR qoǵamdyq uıymdary kiretin ulttyq qoǵamdyq uıym. CMA músheligi mal sharýashylyǵy, soıý, et óńdeý, et tońazytqysh tizbeginiń logıstıkasy, et ımporty men eksporty, et ónerkásibine arnalǵan mashınalar men jabdyqtar, et jáne et ónimderiniń ıngredıentteri, et jáne et ónimderine arnalǵan qaptama materıaldary, sondaı-aq ınstıtýttar men kolledjder, provıntsııalyq jáne mýnıtsıpaldyq tamaq kompanııalary, óńirlik et qaýymdastyqtary sııaqty et ónerkásibiniń barlyq tizbegin qamtıdy.

Aıta ketý kerek, bul seriktestik kelisimderi ekijaqty qarym-qatynastardy nyǵaıtýǵa, agrarlyq sektordaǵy iskerlik baılanysty arttyrýǵa jáne aýyl sharýashylyǵynyń ınnovatsııalyq damýyn yntalandyrýǵa yqpal etedi.