AShM: Qazaqstanda dándi jáne dándi-burshaqty daqyldy jınaý aıaqtaldy
«Aýa raıynyń qolaısyzdyǵyna qaramastan, 16,4 mln tonna astyq bastyrylyp, ortasha ónimdiligi gektaryna 10,3 tsentnerden keldi. Bastapqy salmaqta 80,8 myń tonna qaraqumyq jınaldy, bul 2020 jylǵy deńgeıden 76% artyq. Sondaı - aq, qara bıdaı jınaý qorytyndysy boıynsha ótken jylmen salystyrǵanda 43% - ǵa artyq, dándik júgeri 22,6% - ǵa, burshaq daqyldary 1,3% - ǵa artyq jınaldy. Bastapqy salmaqtaǵy tary ónimdiligi ótken jylmen salystyrǵanda 15%-ǵa, júgeri-5% - ǵa artty», delingen mınıstrliktiń málimetinde.
AShM-nyń málismdeýinshe, jańa eginniń astyǵy joǵary sapaly kórsetkishterge ıe. Máselen, lıtsenzııalanǵan astyq qabyldaý kásiporyndaryna tapsyrylǵan jumsaq bıdaıdyń jalpy kóleminiń 90,5%-y 1-3 synyptarǵa jatqyzylǵan, 2020 jyly bul kórsetkish 81,2%-dy quraǵan bolatyn.
«Quramynda dán mańyzy joǵary bıdaı úlesiniń aıtarlyqtaı ósýi baıqalady. 3-synypty jumsaq bıdaı kóleminde álemdik naryqta joǵary suranysqa ıe joǵary sapaly HI-Pro bıdaıynyń úlesi shamamen 60% - dy quraıdy», delingen habarlamada.
Mınıstrliktiń málimetinshe, ósirilgen astyq ishki naryqty tolyq qamtamasyz etý úshin, sondaı-aq eksportqa belgili bir kólemdi jóneltý úshin de jetkilikti.
Sonymen qatar, 3,9 mln tonna kartop, 4,9 mln tonna kókónis daqyldary, 2,8 mln tonna baqsha daqyldary jınaldy.
Maıly daqyldardy jınaý jalǵasýda, olardyń jalpy jınaý alańynan 3,0 mln ga (96,6%) jınaldy, 2,3 mln tonna bastyryldy.