AShM qarasty «Fıtosanıtarııa» uıymynyń basshylyǵy para alý kúdigine ilindi

NUR-SULTAN. QazAqparat - Sybaılas jemqorlyqqa qarsy qyzmet Aýyl sharýashylyǵy mınıstrliginiń Agroónerkásiptik keshendegi memlekettik ınspektsııa komıtetiniń «Fıtosanıtarııa» ShJQ RMK basshylyǵyna – K–ǵa qatysty para alý faktisi boıynsha qylmystyq isti tergeýde. Bul týraly QazAqparat Agenttiktiń baspasóz qyzmetine silteme jasap habarlaıdy.

«Atalǵan tulǵa «Fıtosanıtarııa» ShJQ RMK-nyń 11 aýmaqtyq fılıalyna jetkiziletin taýarlardy qabyldaý-berý aktilerine kedergisiz qol qoıǵany jáne jalpy qamqorlyǵy úshin jetkizýshi kompanııalardyń ókilinen aıtarlyqtaı mólsherde para alǵany úshin aıyptalýda.
Barlyq ustalǵan adamdar tergeýmen yntymaqtastyqqa keldi jáne moıyndaý aıǵaqtaryn berýde», - delingen taratylǵan habarlamada.
Kúdiktiniń kináliligi týraly túpkilikti sheshimdi sot shyǵarady.
Ózge aqparat tergeý múddesinde jarııa etilmeıdi.