AShM Aqtóbede shyqqan brýtsellez aýrýyna baılanysty túsinik berdi
Eske sala keteıik, buǵan deıin QazAqparat tilshisi Aqtóbe oblysy, Oıyl aýdanynyń Qaratal jáne Saraljyn aýyldarynda shekteý sharalary jarııalanǵandyǵy týraly jazǵan bolatyn.
Aǵymdaǵy jyly Temir, Mártók, Baıǵanın, Oıyl, Hromtaý jáne Shalqar aýdandarynda brýtsellez aýrýynyń paıda bolýy baıqaldy.
Bul jaǵdaı Veterınarııalyq komıtettiń turaqty baqylaýynda, turaqty monıtorıng jáne saýyqtyrý sharalary júrgizilýde.
Aqtóbe oblysy boıynsha anyqtama:
Brýtsellez aýrýy boıynsha 14 qolaısyz pýnkt tirkelgen (MІQ -12, MUM-2) (Temir, Mártók, Baıǵanın, Qobda, Oıyl, Hromtaý jáne Shalqar aýdandary men Aqtóbe qalasy), Ótken jyly dál osyndaı ýaqytta 20 qolaısyz pýnkt tirkelgen (16 oshaq MІQ boıynsha 4 oshaq UQM).
Aqtóbe oblysy saryp aýrýyna tekserilýi:
MІQ maldary boıynsha 515 035 qan synamasy tekserilip 0,7% oń nátıje bergen.
MUM maldary boıynsha 1 418 737 qan synamasy tekserilip 0,12% oń nátıje bergen.
Saryp aýrýyna on nátıje bergen sanıtarlyq soıýǵa jiberildi.
Janýarlardyń saýlyǵy men adamnyń densaýlyǵyna qaýip tóndiretin janýarlardy, janýarlardan alynatyn ónimder men shıkizatty alyp qoımaı mindetti zalalsyzdandyrý (zararsyzdandyrý) jáne qaıta óńdeý kezinde ortasha aılyq naryqtyq qunyn óteý janýardyń bir basy jáne janýarlardan alynatyn ónimder men shıkizattyń bir kg (lıtr, ondyq) esebimen ortasha aılyq naryqtyq qunynyń 30 % mólsherinde jergilikti bıýdjet esebinen júzege asyrylady, al ortasha aılyq naryqtyq qunynyń qalǵan bóligin (70 %) janýarlardan alynatyn ónimder men shıkizatty qaıta óńdeý jónindegi uıym tóleıdi.
Oıyl aýdany boıynsha:
Saryp aýrýy boıynsha 2 qolaısyz pýnkt tirkelgen (MІQ-2 arasynda), (Oıyl a/o, Qaraoı a/o). Sonyń ishinde qan synamasy tekserilip 1 synama oń áser bergen, 1 bas joıylǵan.