Ashyq alańda saqtalǵan kúkirt óndiristik qaldyq emes – Atyraý munaı óńdeý zaýyty

<p>ATYRAÝ. KAZINFORM &ndash; Atyraý munaı óńdeý zaýyty baza aýmaǵyndaǵy ashyq alańda túıirshiktelgen kúkirt saqtaýly turǵanyna baılanysty túsinik berdi. Kúkirt óndiristik qaldyqqa jata ma?</p>

«AMÓZ» JShS-niń qoǵammen baılanys bóliminiń málimetine, taýarlyq túıirshiktelgen kúkirt quramdastyrylǵan qondyrǵylarynda shyǵarylady. Quramdastyrylǵan qondyrǵynyń birinde krıstaldaný blogy bar. Al, ekinshisi – kúkirt óndiretin qondyrǵy. 

«Qaldyqtar týraly QR Ekologııalyq kodeksiniń 317-babynyń 1-tarmaǵynda anyq aıtylǵan. Kodekstiń atalǵan babyna sáıkes, Atyraý munaı óńdeý zaýytynda óndirilgen taýarlyq túıirshiktelgen kúkirt óndiristik qaldyq dep eseptelmeıdi. Zaýytta túıirshiktelgen kúkirt tyǵyz polıpropılennen jasalǵan. Mehanıkalyq, temperatýralyq jáne hımııalyq áserlerge tózimdi, ónimniń qorshaǵan ortaǵa taralýyn boldyrmaıtyn arnaıy germetıkalyq (bıg-beg) qaptarǵa salynady. Zaýytqa munaıdy óńdeýge berýshiler ári qaraı kúkirtti satyp alýshy Trade Oil Resource JShS-ǵa ótkizedi. Satyp alýshy taýardy zaýyt aýmaǵynan shyǵaryp, «AMÓZ» JShS-dan jalǵa alǵan bazaǵa ornalastyrady. Kúkirtti saqtaý, ótkizý jumystaryn derbes júzege asyrady», - dep habarlady kásiporynnyń qoǵammen baılanys bólimi.

Eske sala ketelik, budan buryn Atyraý munaı óńdeý zaýytyndaǵy ashyq alańda kúkirt jınaýly turǵanyn habarlaǵan bolatynbyz.