Ashhabatta Qurmanǵazy men Abaıdyń eskertkishteri ornatylmaq

<p>ASTANA. KAZINFORM &ndash; Túrikmenstan tarapy Ashhabat qalasynda kúıshi Qurmanǵazynyń jáne hákim Abaıdyń eskertkishterin ornatýǵa bastama jasady. Bul týraly búgin Túrikmenstan Syrtqy ister mınıstri Rashıd Meredovpen kelissózderden keıin birlesken málimdeme jasaǵan Premer-Mınıstrdiń orynbasary &ndash; Syrtqy ister mınıstri Murat Nurtileý aıtty.</p>

«Mádenı-gýmanıtarlyq yntymaqtastyq dástúrli túrde eń basym baǵyttardyń qataryn toltyryp otyr. Osy múmkindikti paıdalanyp, túrikmen delegatsııasyn álemge áıgili aqyn Mahtýmkýlı Fragıdiń 300 jyldyǵymen quttyqtaımyn. Bul tarıhı tulǵanyń ádebı murasy túrki mádenıetiniń ortaq rýhanı qazynasyn jáne dástúrlerin saqtaǵan túrikmen halqynyń danalyǵy men biregeı dúnıetanymyn pash etedi. Elordamyzda uly aqynǵa arnalǵan eskertkishtiń saltanatty ashylý rásimin asyǵa kútemiz. Eki memleket lıderleriniń bastamalary aıasynda jaqyn bolashaqta Astanada Túrikmenstannyń mádenıet kúnderin jáne Túrikmenstanda Qazaqstannyń mádenıet kúnderin ótkizý josparlanǵan», - dedi Murat Nurtileý.

Onyń atap ótýinshe, Qazaqstan tarapy bıyl kúzde Túrikmenstan mádenıet kúnderin ótkizýge daıyn. 

«Ashhabat qalasynda kúıshimiz Qurmanǵazynyń jáne hákim Abaıdyń eskertkishterin ornatý týraly túrikmen tarapynyń bastamasy úshin úlken rızashylyǵymdy bildiremin. Taǵy bir aıta ketetin jaıt, túrikmen Anaý qalasy bıylǵy jyly Túrki áleminiń mádenı astanasy bolǵanyn zor yqylaspen qabyldadyq. Bilim jáne ǵylym salasyndaǵy baılanystardy keńeıtý maqsatynda joǵary oqý oryndary arasyndaǵy ózara is-qımylǵa qolǵabys kórsetýge ýaǵdalastyq. Qazaqstannyń 28 joǵary oqý oryndarynda bilim alyp jatqan 2 600-dan astam túrikmen stýdenti eki eldiń jaqyndasýyna yqpalyn tıgizetini haq», - dedi vıtse-premer.