Ashhabadta TMD elderiniń shyǵarmashylyq jáne ǵylymı ıntellıgentsııasynyń forýmy ótedi

AShHABAD. QazAqparat - 15-16 mamyr kúnderi Ashhabadta TMD-ǵa múshe elderdiń shyǵarmashylyq jáne ǵylymı zııaly qaýym ókilderiniń XIV forýmy ótedi, dep habarlaıdy QazAqparat TMD Atqarý komıtetine silteme jasap.

Forýmǵa Qazaqstan, Armenııa, Ázerbaıjan, Belarýs, Qyrǵyzstan, Moldova, Tájikstan, Ózbekstan jáne Reseı elderinen 200-den astam delegat keletini josparlanǵan. Sondaı-aq onyń jumysyna Túrikmenstan prezıdenti Gýrbangýly Berdimuhamedovtyń qatysýy kútiledi.

Sharanyń taqyryby - «Dostastyqtyń ortaq gýmanıtarlyq keńistigi: mádenıet, ǵylym jáne bilim salalaryndaǵy dıalog».

Plenarlyq otyrystar men salalyq sektsııalarda ǵylym, bilim jáne óner qaıratkerleri kásibı ózara árekettestiktiń túrli aspektilerin talqylaıdy. Kitap pen ony oqýdy damytý TMD-da Kitap jylynyń ótýine baılanysty delegattardyń basty nazarynda bolady.

Sondaı-aq forým barysynda TMD-nyń «Dostastyq juldyzy» atty basty memleketaralyq syılyǵymen laýreattardy marapattaý rásimi ótedi.

Іs-shara TMD-ǵa múshe elderdiń Memleketaralyq gýmanıtarlyq yqpaldastyq qorynyń jáne Túrikmenstan Mádenıet mınıstrliginiń qoldaýymen ótedi.