Ashhabadta altyn jeńip alǵan qyzdarymyz júldelerinen aıyrylyp qaldy

ASTANA. QazAqparat - Ashhabadta ótip jatqan jabyq keshendegi Azııa oıyndarynda jeńil atletıkadan áıelder arasynda 4h400 metrlik estafetadan chempıon bolǵan Qazaqstan qyzdar quramasy altyn medalinen aıyrylyp qaldy, dep habarlaıdy Qazaqparat QR Jeńil atletıka federatsııasynyń resmı saıtyna silteme jasap.

Bas júldeden aıyrylyp qalýymyzǵa jarys kezinde Anastasııa Vınogradova tártip buzýy sebepshi bolǵan, ol syzyqty basyp ketken. Osyǵan baılanysty uıymdastyrýshylar jerlesterimizdiń jeńip alǵan altyn medalin Taıland quramasyna syılady.

Jalpy qurama sapynda Olga Safronova, Vıktorııa Zıabkına, Elına Mıhına jáne Anastasııa Vınogradova júgirdi. Osylardyń arasynda 400 metrlik qashyqtyqta júgirýden Mıhınanyń ǵana tájirıbesi bar. Qalǵan úsheýi negizinen 100 metrlik ıaǵnı sprınterlik básekede óner kórsetedi.

Qazaqstan quramasynyń ýaqyt kórsetkishi - 3:42.67 mınýt bolǵan edi. Al Taıland qyzdary márege  3:43.41 mınýtta jetti. Ekinshi oryn  Qytaı quramasyna (3:47, 35 m) buıyrdy. Úshtikti Túrikmenstan quramasy (3:50.39 m) jeńip aldy.

Esterińizge sala keteıik, buǵan deıin Taıpeıde ótken Ýnıversıada oıyndarynda da dál osyndaı jaǵdaı qaıtalanǵan bolatyn. Ol kezde 100 metrlik estafetedan Rıma Kashafýtdınova úsh ret ózge júgirý jolaǵyn basyp ketken bolatyn.