Ashat Japsarbaı elordada jylý tarıfteriniń negizsiz kóterilýi týraly pikir bildirdi
«Nur-Sultan qalasynda biz kóptegen tekserýler júrgizdik. Ózderińiz bilesizder, byltyr biz 20-dan astam tekserý bastaǵanbyz. Iá, shynymen de zańǵa qaıshy faktiler boldy. Biz jylýmen jabdyqtaýshy uıymdardy ákimshilik jaýapqa tarttyq, biraq bul qaıshylyqtar kóbinese jylýmen jabdyqtaýshy uıymdar men páter ıelerik koperatıvteriniń, múlik ıeleri birlestikteriniń quqyqtyq qatynastarynyń rettelmeýinen týyndaǵan. Saldarynan tutynýshylardyń artyq tólem jasaýyna negiz paıda bolǵan. Mundaı faktiler boldy», - dedi Ashat Japsarbaı ortalyq kommýnıkaııalar qyzmetinde ótkne brıfıngide.
Onyń aıtýynsha, atalǵan olqylyqtar joıylǵan. Biraq bul búkil Nur-Sultan boıynsha jylý aqysy qaıta esepteledi degen sóz emes.
«Biz tutynýshylardan artyq tólem alǵan jabdyqtaýshy uıymdarǵa artyq qarajatty qaıtarý týraly uıǵarym shyǵardyq. Sondyqtan, bul jumys aýqymdy sıpatta emes, ár turǵyn úı kesheninde ár túrli bolýy múmkin. Suraqtar bolsa, bizdiń komıtetke egjeı-tegjeıli málimet usynýyńyzdy suraımyn. Biz bul máseleni kóterýge jáne zerdeleýge daıynbyz», - dep qorytyndylady komıtet basshysy.