Ashat Shaharov 8 adam mert bolǵan jol apaty týraly: Qajetti kómektiń bári kórsetiledi

<p>AQTÓBE. KAZINFORM &ndash; Aqtóbe oblysynda júk kóligi men mınıven soqtyǵysyp, onyń saldarynan 8 adam qaza tapty. Oblys ákimi Ashat Shaharov áleýmettik jelidegi paraqshasyna jazba qaldyrdy. Óńir basshysy jumys toby qurylyp, oqıǵanyń mán-jaıy tolyq tekseriletinin jazǵan.</p>

- Óńirimizde bolǵan jantúrshigerlik oqıǵa týraly barshańyz habardarsyzdar. Marqum bolǵan jandardyń jaqyndaryna, aǵaıyn-týystaryna ózimniń jáne Aqtóbe oblysy ákimdiginiń atynan kóńil aıtamyn. Olarǵa qajetti materıaldyq jáne moraldyq kómek kórsetiledi. Bul oqıǵa bilim berý mekemelerindegi qaýipsizdik sharalarynyń mańyzdylyǵyn taǵy bir ret eske saldy. Árbir oqýshynyń ómiri baǵaly jáne kez kelgen is-sharada olardyń qaýipsizdigi birinshi orynda bolýy tıis. Orynbasarym Joldas Batyrhan jetekshilik etetin oblystyq jumys toby quryldy, qazir olar - oqıǵa ornynda. Oblystyq jumys toby, quzyrly organdar zań aıasynda bul jaǵdaıdy muqııat tekserip, tıisti sharalar qabyldaıdy. Oqýshylardyń ómiri men densaýlyǵyn qorǵaý maqsatynda mektepterde qaýipsizdik erejelerin qatań saqtaý mindetti. Jarystar men basqa da is-sharalardy uıymdastyrý kezinde belgilengen algorıtmge sáıkes, qaýipsizdik talaptary tolyqtaı oryndalýy tıis. Bul jaǵdaı - jeke baqylaýymda,- dep jazdy Ashat Shaharov.

Aqtóbe oblysyndaǵy jol-kólik apatyna baılanysty tekserý, tergeý jumystary jalǵasyp jatyr. Alǵashynda 6 adamnyń mert bolǵany týraly habarlandy.

Keıin kólikten taǵy eki balanyń denesi tabylǵany aıtyldy.