Ashat Sadyrbaı: Saılaý – qoǵamdyq jáne saıası protsesterdiń boljamdyq deńgeıin arttyrady
«Qazaqstan Respýblıkasynyń Prezıdenti Qasym-Jomart Toqaev búgin Parlament jáne máslıhat depýttattaryn saılaý jónindegi jarlyqqa qol qoıdy. Bul – elimizdegi qoǵamdyq jáne saıası protsesterdiń boljamdyq deńgeıin arttyratyny sózsiz. Sonymen qatar, ózim quramyna enetin Ulttyq keńestiń aıasynda Prezıdent usynǵan osy saıası reformalarynyń birinshi paketi óziniń nátıjesin berý kerek dep oılaımyn. Odan keıin osy is-sharalar aıasynda máslıhattardyń qatary 30 paıyzdyq kvota arqyly jastar men áıeldermen tolyǵatyny qýantady»,– deıdi Ashat Sadyrbaı.
Sonymen qatar, ol jastar men áıelderdiń joǵary deńgeıde belsendilik tanytyp jatqanyn atap ótti.
«Men «Nur Otan» praımerızine qatystym. Ol jerde jastar men áıelderdiń belsendiligin kórdim jáne qýandym. Bul buryn-sońdy bolmaǵan dúnıe. Mundaı belsendilik qalalyq jerde ǵana emes, aýdandyq, aýyldyq jerlerde de baıqaldy. Demek, saıası protsesske jańa lep ákeledi degen sóz. Saılaýdan jaqsy nátıjıe kútemiz»,– dedi ol.