Ashat Orazbaı Halyqaralyq Araldy qutqarý qory Atqarýshy komıtetiniń tóraǵasy boldy

<p>Prezıdent Qasym-Jomart Toqaevtyń sheshimimen Ashat Orazbaı Halyqaralyq Araldy qutqarý qory Atqarýshy komıtetiniń tóraǵasy bolyp taǵaıyndaldy, dep habarlaıdy <a href="https://kaz.inform.kz/" target="_blank" rel="noopener">Kazinform&nbsp;</a>Aqordanyń baspasóz qyzmetine silteme jasap. &nbsp;&nbsp;&nbsp;</p>

«Halyqaralyq Araldy qutqarý qorynyń Prezıdenti, Qazaqstan Respýblıkasynyń Prezıdenti Qasym-Jomart Toqaevtyń sheshimimen Ashat Tutqyshbaıuly Orazbaı Halyqaralyq Araldy qutqarý qory Atqarýshy komıtetiniń tóraǵasy bolyp taǵaıyndaldy», - delingen resmı aqparatta.

Ashat Orazbaı 1960 jyly 2 jeltoqsanda dúnıege kelgen. 1985 jyly V.I.Lenın atyndaǵy Tashkent memlekettik ýnıversıtetin bitirgen.

1982-1983 jyldary Aýǵanstanda áskerı aýdarmashy boldy.

2004 jyly – Qazaqstan Respýblıkasy Syrtqy ister mınıstrliginiń Erekshe tapsyrmalar jónindegi Elshisi.

2008-2012 jyldary Qazaqstannyń Túrikmenstandaǵy Elshisi boldy.

2012 jylǵy 4 shildeden 2019 jylǵy 1 qańtarǵa deıin – Qazaqstannyń Indonezııa Respýblıkasyndaǵy Elshisi.

2015 jylǵy 20 tamyzdan 2019 jylǵy 1 qańtarǵa deıin – Qazaqstannyń Fılıppın Respýblıkasyndaǵy Elshisi tolyq emes jumys kúni.

2019 jyldyń qańtarynda ol Qazaqstannyń Iran Islam Respýblıkasyndaǵy Elshisi qyzmetin qabyldady.

Buǵan deıin Ashat Orazbaı Qazaqstannyń Irandaǵy Elshisi qyzmetinen bosatylǵanyn jazǵan bolatynbyz.