Ashat Hasenov resmı túrde QazMunaıGaz basshysy bolyp taǵaıyndaldy

<p>ASTANA. KAZINFORM — 28 mamyrda ótken QMG aktsıonerleriniń jyldyq jalpy jınalysynyń qorytyndysy boıynsha Ashat Hasenov ulttyq kompanııanyń basqarma tóraǵasy bolyp taǵaıyndaldy.</p>

Ashat Hasenov sondaı-aq QMG dırektorlar keńesiniń quramyna saılandy.

Eńbek jolyn 2005 jyly «Torǵaı Petroleým» AQ munaı jáne gaz óndirý tsehynyń 3-razrıadtaǵy operatory bolyp bastaǵan.

2006 — 2010 jyldary «Munaı jáne gaz ónerkásibiniń bas dıspetcherlik basqarmasy» AQ jetekshi maman, bas maman, munaı-gaz ken oryndaryn ıgerý monıtorıngi bóliminiń bastyǵy, dırektordyń orynbasary, departament dırektory, vıtse-prezıdenti boldy.

2011 — 2019 jyldary QR Munaı jáne gaz mınıstrliginde Munaı-gaz keshenindegi memlekettik ınspektsııa komıtetiniń memınspektsııa jáne ruqsat berý basqarmasyn, munaı hımııa jáne tehnıkalyq retteý departamentin basqardy.

2019 — 2022 jyldary — «KLPE» JShS basqarma tóraǵasynyń orynbasary.

QazMunaıGazǵa taǵaıyndalǵanǵa deıin 2022 — 2024 jyldary aralyǵynda QR energetıka vıtse-mınıstri bolyp qyzmet etti.

Bul laýazymda jer qoınaýyn paıdalaný jáne munaı-gaz hımııasyn damytý máselelerine jetekshilik etti, sonymen birge kómirsýtek ken oryndaryn barlaý jáne ıgerý jónindegi ortalyq komıssııany basqardy.