Ashat Hasenov «QazMunaıGaz» UK AQ basqarma tóraǵasynyń mindetin atqarady

<p>ASTANA. KAZINFORM&nbsp;&mdash;<strong> </strong>&laquo;Samuryq-Qazyna&raquo; AQ basqarma tóraǵasy Nurlan Jaqypov &laquo;QazMunaıGaz&raquo; UK AQ ujymyna Ashat Hasenovty tanystyrdy. Bul týraly kompanııanyń baspasóz qyzmeti málimdedi.</p>

Oǵan «QazMunaıGaz» UK AQ Aktsıonerleriniń kezekten tys jalpy jınalysy ótkizilgenge deıin basqarma tóraǵasynyń mindetin atqarý júktelgen. Sondaı-aq qor basshysy Maǵzum Myrzaǵalıevke QMG basshysy retinde atqarǵan qyzmeti úshin alǵysyn bildirdi.

Ashat Hasenov Qanysh Sátbaev atyndaǵy Qazaq ulttyq tehnıkalyq ýnıversıtetin «Munaı jáne gaz uńǵymalaryn burǵylaý» mamandyǵy boıynsha, sondaı-aq Halyqaralyq bıznes ýnıversıtetin «Menedjment» mamandyǵy boıynsha támamdaǵan.

Eńbek jolyn 2005 jyly «Torǵaı Petroleým» AQ Munaı jáne gaz óndirý tsehynyń 3-razrıadty operatory qyzmetinen bastaǵan.

2006-2010 jyldary «Munaı jáne gaz ónerkásibiniń bas dıspetcherlik basqarmasy» AQ-da jumys istedi, onda tehnıkalyq retteý basqarmasynyń jetekshi mamanynan bastap vıtse-prezıdenttiń basqarýshylyq laýazymyna deıin qyzmet atqardy.

Ár jyldary memlekettik organdarda jaýapty qyzmetter atqardy.

2022 jyldyń qańtarynan 2024 jyldyń mamyryna deıin QR Energetıka vıtse-mınıstri qyzmetin atqardy.

«Qurmet» ordenimen marapattalǵan.